هذا الحساوي والنعم والله

ساكم الله بالخير جميعاً

1- اذا صلى الفرض وانتهى من صلاته .. وانتهى من التسبيح التفت على اللى في يمينه وسلم عليهم والتفت على اللى في شماله وسلم عليهم

2- اذا شافك وقابلك في الطريق سلم عليك سواء كان يعرفك او ما يعرفك

3- اذا جاورته ما لقيت من وراه اذيه , يعني ارقد وآمن

4- تلاقيه بسيط , طبيعي , سموح , وسيع صدر , وعلى نياته

5- اذا طق عليك الباب عطاك سله فيها ارطب خلاص او غر واذا جى وقت الصرام ما نساك من التمر الزين

6- تلاقيه غارس في بيته فسيله وتشوفه مهتم فيها بنفسه

7- تلاقي عنده سيارتين , الاولى كابرس يروح عليها الشغل , والثانيه سوبر حق طريق مكه

8- تلاقي طموح ابناءه اذا تخرجوا من الجامعه انهم اما يصيرون مدرسين في الحكومه او مهندسين في شركة ارامكوا , وازيدك من الشعر بيت .. كل واحد منهم يبي يتزوج مدرسه ويسكن في شقه لحاله

9- اجتماعي من الطراز الاول , يعني ما تمل من سوالفه

10- يزعل لكن قلبه ابيض بسرعه ينسى وعلشان كذا ما تلاقيه حقود .. واذا كان حقود يعنى شاذ عن القاعده

11- اذا شاف شي غريب اول مره يشوفه او يسمع فيه .. قال .. الله شذشذا ..

12- اذا قلت له .. على كيفك .. رد عليك وقال.. ما يحصل

13- اذا جاء شهر رمضان طق عليك الباب وعطاك صحن هريس من طبخ ام عياله وتلاقيها متنغصته حق زوجتك

14- اذا طلع تقاعد .. تلاقي طموحه عماره في الخبر او الدمام .. ومزرعه في الحسا فيها بركه سباحه .. وتنور حق المندي

15- يخاف من العين .. علشان كذا تلاقيه يقول لك .. قول ما شاء الله

16- اذا كان ساكن في الدمام , الخبر , الظهران , الجبيل او اي مدينه اخرى , وجا ء يوم الاربعاء حرك ونزل الحسا , و فوق كذا يحب يقضي العيد يم اهله وجماعته هناك..

17- ما ينساك في العزايم والمناسبات , يعرف الاصول وكريم

18- اذا شميت ريحة المشموم " الريحان " في بيتك اعرف ان زوجته كانت تزور زوجتك

19- يستانس وينبسط الى من شاف له ناس من اهل الحسا ..

20 - - اذا لقى واحد مضيع او يسأله عن مكان وهو في الحساء وهالمكان في الخبر او الدمام قاله تعال وراي اوصلك
21- تلقاه 20 و4 ساعه وهو ياكل حب ( فصفص ) حتى وهو نايم ياكل __________________

والنعم فيكم يا أهل الحسااااااااااااااااا

ويحب بعد يلمع الكابرس كل يوم ولا يشتري غيرها ابد تعتبر عنده احلى وغلى سياره
هع
بس والنعم باهل الاحسااااااااااا
كفوووووووووووووو

يعطيك العافيه

أخوي بونادر

هذا طبع أهل الحسا الطيب والجود والكرم

هذا الحساوي

والراس عالي

والثمن غالي

الحسا بلادي

ترخص لها روحي ومالي

الحسااا حسااك لو الدهر نسااك تحرم علي ديار باريس ولندن دام في الحسااا حبايبنا

الف عافيه لك

واحنا اهل الحسا في كل مكان
العادات ماتتغير ابد

والله اهل الحسا كل الصفات الزينه فيهم ومنهم واليهم

يليت بس من يأتي لنا بفصفص ترى منحرمين منه هنا

يلا من يتبرع ويجيب بحقه هههههههههههههههههه

الف شكر لمرورك الغالي الوافي

عبود سليم منور في الصفحه ياعزيزيوهذا اهل الحساا طيب وكرم

كفوووووووووووووووو كفووووووووووووووووووووووووو

والله ياارؤى
هههههههههههههههههههههههه

يسلم مروووررك