ساعه ، دقيقه ، ثانيه ، مانسيتك

تدري صباح الأمس يازين مهموم..
ليتك تحس بلهفة الشوق ليتك ..

إسرح واعدد بالسماء عدت غيوم..
وأثرك حبيبي في سماي ولقيتك ..

ان قلت عاشق فيك ميت ومغروم..
ساعه ، دقيقه ، ثانيه ، مانسيتك ..

هذي حياتي دون وصلك له اليوم..
انساك ودي مير ماقدر فديتك ..

ساعات طيفك ألمحه ثمً اقوم..
واثره سرابن في عيوني رائيتك ..

كان المفارق في غرامك ومقسوم..
يبطي زماني كان وِالله محيتك ..

أشري غرامك دون بيعن ولا سوم..
يفداك عمري وأبيض القلب بيتك ..

وكان النهايه بعد واضح ومحتوم..
بعطيك حاجه قبل ترحل عطيتك ..

العين تسهر دون راحه ولا نوم..
جفت دموعي كثر ماني بكيتك ..

القلب ماهو بعد فرقاك ملزوم..
يسرف بنبضه دام وِالله هويتك ..

لا صار نجمك تختفي غيره نجوم..
ماهي خساره كان عمري هديتك ..

دمتم بود

	احاسيس مرهفه وصدق مشاعر وبوح راقي وجميل اهنئڲ على اختيارڲ .... راقيه برقي ذائقتڲ كلمـآآت رآئـعه .. جدآآ تحمل في طياتها التميز .. حروف رآئعه .. مميزه .. أعجبني حديثكـ ورآق لي طرحكـ ..اعجبني بوح قلمكـ .. أسطر منوعه تحمل في طياتها عنوآن التميز شرف لي توآجدي في صفحاتكـ .. وننتظر جديدك .. لك أرق التحيـآآ دمووع الوورد

مشكورة عزيزتي على مرورك الجميل