بضم صدرك 000 لين تصبح على خير

افتح شبابيك يالهوى جيتك اليوم
بإحساس من زود الوله عنده يطير

جيتك مثل طفلن له أيام محروم
عن حضن أمه أبعدته المقادير

وجيتك مثل عودن له أيام مهموم
وده يلاقي بأخر الوقت تقديــر

وجيتك حضن عاشق وهايم ومغروم
وده يضمك لين تصبح على خير

متى تحس إن الهوى شي مقسوم
من قسمة الخالق على خلقه يصير

ومتى تحس إني لك أطيح وأقوم
وأتعب من شانك وأقدرك وآغير

لي في هواك أحلام وأمال وعلوم
وأحزاب وأصحاب وقصيد وجماهير

وهموم وأفكار وهواجيس وحلوم
ودروب وأخطار وعذاب ومشاوير

وحب وغلا وإخلاص ومعاند ولوم
وإحساس وإلهام وشعور وتفاكير

وصحبة سهر ومقاطعة لذة النوم
وأشواق جياشه وعشق وتعابير

في ذمتك مابان لك شي مكتوم
من بعد ماصورت الأوضاع تصوير

لاتحسب إنك شي عابر ومعدوم
وتاريخ حبك فاق كل الأساطير

في كل شي أتخيلك وأسمعك دوم
وأتأملك في الوقت الأول والآخير

من ماضي الأيام لايومك اليوم
وغلاك عندي ماحصل فيه تغيير

وأنا لك الله ماأقبل البيع والسوم
ولا أرضى علي ولاعليك المخاسير

لاْني الوحيد إللي على بحرك يعوم
وإللي عرف مرساه في رحلة السير

لحظه حبيبي قبل يسبقني النوم
بضم صدرك لين تصبح على خير..


الاسير

قلم رائع
ومميز
تسلم الايادي

تسلم الاسير كلمااااات في قمة الابدااااااااع والرووووووعه

همس الخيال

اغاريد








الاسير

	بـوح راقـي وقـوي .. و حـروف جزلـة منصاعـة ... ‏ حييـت يا رمـز الإبـداع .... طـاب لي المكوث هنـا ..... ... دمت مبدعا و متألقا ...

الاستاذه قدوووووه الصديقين

اسعد الله قلوبكم وامتعها
بالخير دوماً أسعدني كثيرا مروركم
وتعطيركم هذه الصفحه وردكم المفعم بالحب والعطاء
دمتم بخير وعافيةلكم خالص احترامي

الاسير