اول يوم دراسي لاعضااء منتديات الحويرات الراقي

بسم الله الرحمن الرحيم

الحمدلله والصلاة والسلام على رسول الله وعلى آله وصحبه أجمعين





المصيبة حلت علكم وهذا اليوم الموعود....

ابي كلـ واحد او وحده يعطيني كيف كانـ معاه اولـ يومـ دراسي....


ويالله يا شبابـ او بنات نبي منكمـ الجد والمثابرهـ للعامـ الجديد *_^

والي يحسـ ان اليومـ له جو ثاني يقولنا...ايش كان الجو معاه هع

ننتظر تفاااعلكم ونشووف اول يوم وش سويتوا وش قلتوا

هل تخانقتوا ههههاي

تحياتي

فروووس ^^^ يدلع نفسه

هلا فروووس على قولتك
انا طبعا اليوم ماعندي شي بس راح احط لكم مدونة ولدي !
ولدي الله يسلمه جلس ولبس متحمس لان اول يوم بالمدرسه
ويوم جا مستانس على الكتب الجديده والمدرس واصحابه لانهم ماغيروهم بس الله يعيني تونا بداية خييير
مشكور على الموضوع النايس بس شكله مابه حمااس محد يشجع

هذا اللى يقهرني ما بوووه تفاااعل مع انه كثير هنا الطلاب والطالبات

يعطيك العافيه ع مدونة ولدك

انا طبعاااااااا مخلصه دراسه
وعندي بنوته توها السنه تروح المدرسه
اجلست الساعه السادسه غسلت الوجه وافطرت ومن ثم البست الملابس
وكانت جدااااا متحمسه ونشيطه وفرحانه حدها لانها كلها أناقه وترتيب وذوق ( تقول انا كبرت يمه )
المهم ذهبنا للمدرسه
وكانو المدرسات في قمة وروعة الاستقبال للاطفال الجدد
ومن ثم سوا حفل في قمة الروعه وطلبوا من الطالبات من تعرف قراءة الفاتحه او اي سوره ومن ثم قالوا لهم من تنشد اي نشيده هههههههه
طبعاااااا البنت حافظه الفاتحه والسور القصيره قرأت لهم وحيوها للقراءه الجيده
وبعد نشدت نشيدة الحروف الهجائيه طبعاا طويله النشيده وحيوها بقوه للحفظ الممتاز للحروف ونشيدة كل حرف من الحروف الهجائيه
ومن ثم وزعوا عليهم هدايا ووجبه غذائيه
وحثوهم على الاهتمام بالفطور الصباحي والاهتمام بالنظافه
والمذكره والتفوق في الدراسه وعدم التخامل والكسل
وحثونا على التواصل مع المدرسه وعدم الانقطاع
وبعدين قالوا لنا يلا انصرفوا بكره (مانبي ولا ام تأتي مع البنت لكي تتعود الطالبات على ان تكون منفردها عن امها )

وبس والله يعين على باقي السنه اول اسبوع لعب وهدايا وأكل بس من ثاني اسبوع الجد والتعب والزهق ووووووو

صح هذا توصي اليوم الدراسي

يعطيك العافيه يا استااذه اغاريد

تحياتي

الفارس الملثم

حركاات قدوة الصديقين واغاريد على المدوناات لاطفالكم والله يعينكم ,,

بالنسبة لي ماعندي احد في المدرسه عشان شذي مافي شي اكتبه .. بس اتمنى لكل طالب وطالبه

الجد والاجتهاد واتمنى لهم التوفيق ...

يعطيك العافيه ( الفارس الملثم ) على المووضوع

الله يعافيك في خدمتكم

بس يا ليت يكوون بوووه تفاعل اكثر من هيك

نتظركم

انا اول سنه لي بثانوي كنت متحمسه حييل ودخلت واكتشفتها
ويوم دخلت فصلنا ولا وحده من صديقاتي معي وسوينا حرب
ولا دخلنا الحصص ههههه ولاحد يكلمنا ولا شي
يوم جات الحصه 4 دخلو صديقاتي معي بالفصل
وخلاص ثبتوو اسمائهم غصبن على الاداره ههههه
وبعدها استلمنا الكتب وطبعا غيرو المناهج
(رياضيات-فيزياء-كيمياء-احياء)كل واحد على كتابين الله يعييين
بس هذا اللي صاااار
وربي يوفقنا بالهسنه االجديده

بالتوووفيق

ربي يعطيك العافيه

^_^

بالنسبه لي رحت المدرسه متحمسه بقوووووووووووه ( نفس عشقي الخجول لان حتى انا اول سنه ثانوي ) هع

دخلت وبديت استكشف المدرسه
والمدرسه حررررررررر وقسم الجو اللي برا ابرد من داخل المدرسه خخخ

دخلت وبديت احوس ادور اسمي
الدور الاول >_< ماشفت اسمي
ولا الدور الثاني
ولا الثالث
وين بيحطونا ؟

طبعا مدرستنا متوسط وثانوي بس ثانوي مافيها الا اول بس احنا اول دفعه

المهم جلسنا ننتظر بعدين صفرت وسوو لنا حفل بايخ للعيد
سوينا ازعااااج عشان يودونا فصولنا

قالو لنا روحو < افتكينا

بعدين حطوا اسمائناا وفصلي بالدور الثالث < معاناه

أغلب ربعي معاي بالفصل
بعدين جلسنا بالفصل لاعطونا كتب ولا شي
زهقنا زهقنا حييييييل طلعنا برا الفصل وقفنا عند السور ( كل بنات اول ثانوي طلعوا )

وجلسو يسوون ازعااااااااج واصوات

بس تقريبا

اليوم الثاني
جاو لنا ابلات اللي تدرس دين و رياضيات وانجليزي و تاريخ وجغرافيا وعربي

بعدين جاو قالو لنا هالاسبوع والاسبوع الجاي ماراح ندرس كيمياء ولا فيزياء ولا احياء ولا حاسب < مافي معلمات ، ومعمل الحاسب فاضي مافيه شي !




بعدين البنات كملو الازعاج لين الاداره زهقو منااا وقرروا ينزلون فصول ثانوي تحت الدور الاول عشان نكون يم الاداره ويقدرون يسيطرون علينا هههههههههههههههههه

بس تقريبا
< طولت هذره ، عذرا هع

يعطيك العافيه


ايه صح تذكرت بعد للحين ماعطونا كتب ( فكه ) هع