فاجأتني أمي بحجة فضول...}

	فاجأتني أمي بحجة فضول أنت شاعر يعني حبيت وهويت واندهشت وبان في عيني ذهول ليش تسألني وعمري ماشكيت قالت اسمع يلا صارحني وقول هذا حرفك ولا خرفت ونسيت؟ ادري انك طيب وطبعك خجول مثل أبوك اللي عشقني وابتليت ضحكتني والحزن فيني يجول وذكرتني من بعد ماقد نسيت اهـ ,, يـ ,, أمي ليش كل هذا الفضول تجربه ومرت وأنا بحظي رضيت قالت ادري وباين بجفنك ذبول قول ياوليدي ترى أحاتي بديت هات راسك يمكن أحزانك تزول حطه بصدرٍ على حبه ربيت قلت يا أمي مايطيب الجرح مول وكنت كاذب يوم قلت إني نسيت كيف أنساها وأنا اللي كنت أقول ياعساني الموت إذا عنها سليت كنت وياها على وشك الوصول لأجمل أحلامٍ بنينا منها بيت ماحسبنا حساب حاسد أو عذول وكنت أقول الله أنا توني اهتنيت وكانت توصيني وعدك لايطول ودي بقربك أحبك ما اكتفيت يلا نصعد للقمر قلبي عجول نسبق العشاق ونبني هناك بيت واتفقنا عالفرح.. لكن شقول خان فيني الوقت يوم إني وفيت أقرب أصحابي وصل منه مرسول ويوم شفت الظرف ندمت إني قريت فيه اسمه خاطبٍ بنت الأصول يطلب من أشعاري أهدي كم بيت صحرا في عيوني غدت كل السهول مدري كنت أضحك أنا ويمكن بكيت ماهقيت إنه صديقي اللي يحول بيني وبين الفرح لاماهقيت ماصدق من قال من يتعب ينول شوفي يا أمي كم تعبت وكم شقيت ماهو من قل الأكل هذا النحول هذا وقتي اللي طواني وانطويت ضاعت الحيله وبدا وقت النزول خطوة مكسوره لأول مابديت ماكذبتي يوم قلتي إني خجول والدليل إني على نفسي جنيت ليش خليتيني اتكلم وأقول ماهي سهله أعترف بأني خطيت هو سؤالك حيره ولا بس فضول جاوبيني دام أنا قلت وعنيت ليه سكوتك ليش كل هذا الخمول قولي أي كلمه مدام إني شكيت والتفت وبان في عيني ذهول نامت أمي وكأني لاقلت وحكيت