نجمة الليل | دموع الورد | كن مختلفا وقشر البرتقاله بالملعقه .... لـ(قدوة الصديقين) | ][ ... المنتدى الإسلامي العام ... ][ |
التميز خلال 24 ساعة | |||
العضو المميز | الموضوع المميز | المشرف المميز | المشرفة المميزه |
قريبا |
بقلم : |
قريبا | قريبا |
|
أدوات الموضوع | انواع عرض الموضوع |
04-10-2011, 12:03 AM | #131 | ||||||
|
مشكوره قدوه على اختياري
كم النسبة التي حصلتي عليها العام الماضي أو الثانوية العامة ؟ 95 كم كان عدد الحصص ؟ كل الايامـ سبع ماعدآ الاثنين ما هي مادتكِ المفضلة؟ احياء & ريآضيآت هل تفضلين المذاكرة من الدفتر أو من الكتاب ؟ الأغلب الكتآب بس بعض المواد اللي نحل التمارين في الدفتر اذاكر من الدفتر هل أنتي من النوع اللي تحب " تشخبط" ع الدفاتر والكتب ؟ [اكيييييد إذا كنتي منخرجة - ما هي المرحلة التي كنتي تحبينها وما تزال تفاصيلها عالقة في ذاكرتكِ ؟؟ بالتأكيد متوسط لآن ثانوي مابعد نجربهآ كلهآ وابتدائي بزارهـ هل أنتي من النوع الذي يتكلم كثيراً أو نادراً ؟ مو كثير ولا نادر متوسط من كانت معلمتكِ المفضلة ؟؟ وما المادة التي كانت تدرسها لكِ ؟ معلمة العلومـ العآمـالريآضيآت والاحيآء شرحهمـ يجنن كم كان عدد الطالبات معكِ في الصف؟ 38 أين كان مكانكِ في الصف؟ اخر ششي في الفرقه الوسطيه من كانت تجلس بجانبك؟ طبعا احنا 3 والثنتين صديقاتي كم مرة كتبتي تعهد أو مخالفة ؟؟ متى ؟ ليش؟ اي اذكر انا في خامس ابتدائي ماحفظت الانشودهـ وكان وياي بنات واجد ودتنآ كلنآ للمرشده وكتبتنا تعهد كم مرة انطردتي من الحصة ؟؟ متى ؟ ليش؟ ويي ولآ مره اساسا انا مو مشاغه في الحصص بس من تحت لتحت حتى المعلمات يحسبوني مؤدبه كم مرة انحرمتي من الفسحة ؟؟ ليش ؟ أممممـ ولا مرهـ هل سبق أن هزّأتكِ معلمة من المعلمات ؟؟ ما السبب ؟؟ انا هزأتني المراقبه على التأخير في الصبآح لان كان بيتنا في النزهه وادرس في مطيرفي وربع ساعه طريق فهي شافت كل مره اتاخر وهزأتني ولا بس مره هزأت كل يومـ معلمة تذكرينها بالخير .. ولماذا ؟ معلمة العلومـ العآمـ لانهآ طيوبه وشرحهآ حلوو وكل محاضرآت في حصتهآ وناسسه والله كم مرة هربتي من الحصة ؟؟ هههههههه الصراحه العام مااهرب ابس دخلت ثانوي قمت اهرب هربت مرتين هالسنه حصة تاريخ وتوني الثلاثاء من حصة النحو <<بس حسافه النحو ماعطتهمـ شيي << حسآد انتي في مدرسة حكومية أو خاصة ؟؟ حكوميهـ هل معكِ عضوة من المنتدى في المدرسة أو الصف ؟؟ لآأعلم يجووز <هع موقف ما تنسينه من أيام المدرسة ؟؟ مرهـ يومـ الشهادآت في ثاني متوسط عاد انا لبست عبآة كتف وتحته بلوزه وبنطلون ورحت ابآاستلم الشهاده من الابله الا قالت لي ماتستلمينهآ الا بمريولك وانا لا عاد استآذهـ وكذبت عليهآ قلت لهآ مريولي وصخ عليج الله واهي لا لا ممنوع ورحت لمساعدة المديرهـ يمكن ترضى وقالت احنآ قلنآ لكمـ امسس لاحد يجي الا بمريول روحي بيتكم لبسي مريول وتعآلي وعاد انا منقهره ابي استلم الشهاده وذيلي معيين ورحت لبت العبايه وانا معصبه والبنات هآ وين رايحه مااستلمتي الشهاده وماعطيتهم وجهه منقهره وكانت ويآي بنت خالي وطول الطريق اسب واشتم فيهمـ وعاد كان بيتنآ شووي بعيد عن المدرسه وأيآمـ حرر تعبت وانا امشيي ووضصلت البيت اذكر لبست المريول على الملابس من العجله ورحت المدرسه وانا معفووسه شكلي اكييد كان يضحك ورحت للابله استلمت الشهاده وانا معصبه واهي مبرووكـ نجحتي اجل هآ لبستي مريول العآمـ اجل ماعطيتها وجه وطلعت من الغرفه وبسسسس اختآر بعدي فآرسة القلمـ |
||||||
|
|||||||
04-10-2011, 12:24 AM | #132 | ||||||||||||||
حويراتي ماسي
|
مشكوره كل الغلا على سرعة اجابتك للدعوه
هههههههههههه حلوه هذي روحي لبسي المريول صج فرااغه الواحد يبي يخلص بانتظار فارسة القلم |
||||||||||||||
|
|||||||||||||||
04-11-2011, 01:57 PM | #133 | ||||||
حويراتي جديد
|
طرح رائع
ربي يعطيك الف عافيه ماننحرم منك ولا من كل الجديد وربي يسسعدك ^^ |
||||||
|
|||||||
04-12-2011, 05:34 PM | #134 | |||||
][ عضو VIP ][
|
كمالنسبة التي حصلت عليها العام الماضي أو الثانوية العامة ؟ 4.85 من 5 كم كان عدد الحصص ؟ 7 او 6 محاضرات ما هي مادتك المفضلة؟ المواد العلمية هل تفضل المذاكرة من الدفتر أو من الكتاب؟ من الاثنين هل أنت من النوع اللي تحب " تشخبط" عالدفاتر والكتب ؟ هذا ما يحتاج وإذا في باقي مكان أخليها للترقيم عدد الصفحات للرجوع له . إذا كنت متخرج - ما هي المرحلة التيكنت تحبها وما تزال تفاصيلها عالقة في ذاكرتك ؟؟ الثاني المتوسط وثالث ثانويوالمرحلة الجامعية هلأنت من النوع الذي يتكلم كثيراً أو نادراً ؟ على حسب الجو والمكان والمتواجدون من كان معلمك المفضل ؟؟ وما المادة التي كانت يدرسها لك؟ معلمين كثر بجميع المرحل الدراسية كم كان عدد الطلاب معك في الصف؟ لايقل عن 30 أين كان مكانك في الصف؟ دائما في الوسط ألا في المواد العلمية في المقدمة بسبب الهروب من المزعجين ألي يشتتون الأفكار من كان يجلس بجانبك؟ لكل مرحلة زملاء كم مرة كتبت تعهد أو مخالفة ؟؟ متى ؟ليش؟ كثير خاصة بثانوي بسبب الهروب من الطق وخصوصاً عند التأخير عن الحضور للمدرسة أو يوم التنفيس عن الروح وهو يومىالاربعاء والسبتللذهب لسوق الاربعاء ومشروع حجز الرمال او البحر و على حسب الشباب وين معهم . كم مرة انطردت من الحصة ؟؟ متى ؟ ليش؟ بس مرة وكان في الثانوية وذلك بسبب مدرس الفيزياء المصري الاقرع لان في واحد من الشباب صنه بطبشور على قرعته بسبب شرحه الزفت وعينك ما أشوف الا جمر عيونه وانا عاد رايح فيها من الضحك وشافني كذا حطها فيني وبلشني بلشه . كم مرة انحرمت من الفسحة ؟؟ ليش؟ مرة بسبب يوم صارت الحرب بين الداحس والغبرة بين المطيرفي والشقيق وما في حضور الا قليل كان ذا بيوم الاربعاء . هل سبق أن هزّأكِ معلم من المعلمين ؟؟ ما السبب؟؟ لا بس الادارة كثير عشان الهروب خاصة يومالاربعاء معلم تذكره بالخير .. ولماذا ؟ كل المعلمين الي حبهم قلبي كم مرة هربت من الحصة ؟؟ ولا حصة انت في مدرسة حكومية أو خاصة ؟؟ حكوميه هل معك عضو من المنتدى في المدرسة أو الصف؟؟ نعم موقف ما تنساه من أيام المدرسة؟؟ أذكر أني في الصف الثاني الابتدائي وكنت ممتاز في الرياضيات وخصوصاً جدول الضرب فا طلبني مدرس الصف الرابع وجابني لفصله وان أستغربت من أول ما دخلت شفت جميع الطلاب واقفين بجنب السبوره وعلى رجل أثر قايم التحدي معاهم وقال جايب لكم طالب من الثاني وشرط بيحل السؤال وعاد خويكم حله والمدرس هزئهم وقال لطالب عتوي يرجعني للصف عاد أتصورو لما راح يودين وش سوا( خبز أيراني على ظهري وشريك سوري على وجهي وختمها في الطلعه تكفخ أسعودي )ومنها خذت أحتياطاتي الامنية بالخوال . |
|||||
|
||||||
04-13-2011, 07:11 PM | #135 | |||||||||||||||||||||||
حويراتي ماسي
|
|
|||||||||||||||||||||||
|
||||||||||||||||||||||||
07-03-2011, 04:35 PM | #136 | |||||
حويراتي جديد
|
شـكــ وبارك الله فيك ـــرا لك ... لك مني أجمل تحية .
|
|||||
|
||||||
08-04-2011, 01:59 AM | #137 |
زائر
|
الله الله الله
شنو هالبلاوي شنو هالفضايح اللي تسدحت هنا << وانت شنو منقزك في ذا ما اقول غير الله يستر من الفضايح اللي بتتسدح في ذا لي بااااااااك |
|
|
08-04-2011, 02:53 AM | #138 |
زائر
|
بسمه تعالى نستعين
بسم الله الرحمن الرحيم كم النسبة التي حصلت/ي عليها العام الماضي أو الثانوية العامة ؟ الثانويه العامه طبعا بوجود صاحبه السمو حفظها الله الوزاره طلعت بــ 80% <<< من البدايه عفست الدنيا الله يستر من الجاي كم كان عدد الحصص ؟ السبت والاحد 7 وباقي الاسبوع 6 .. بس مكلمين المدير يسوي دسكاونت " تخفيض " ف الاسبوع كامل 6 حصص ما هي مادتكِ المفضلة؟ الفيزياء بس إذا عيدت اعيد بقوه هل تفضلين المذاكرة من الدفتر أو من الكتاب ؟ للامانه اثنينهم لا .. بس غصب اذاكر ف الدفتر يكفي ويوفي << كلهم ورقتين اللي انا كاتبهم >>> كسلان هل أنت/ي من النوع اللي تحب " تشخبط" ع الدفاتر والكتب ؟ احم احم .. اكيد اي .. يعني عمركم شفتوا شاطر مثلي ما يشخبط على العفش كله !! إذا كنتي منتخرج/ة - ما هي المرحلة التي كنت/ي تحب/ينها وما تزال تفاصيلها عالقة في ذاكرتكِ ؟؟ اها ... سؤال ذكي ... طبعا وبكل فخر واعتزاز المرحله المتوسطه .. مرحله الدشاره هل أنت/ي من النوع الذي يتكلم كثيراً أو نادراً ؟ يعتمد على حسب المزاج بس في الغالب لا من كان/ت معلم/تكِ المفضل/ة ؟؟ وما المادة التي كانت ت/يدرسها لكِ ؟ كان المدرس اسمه نهير السهلي << اللي فيه خير يقول يعرفه وكان وكيل مدرسه بس لان مافي مدرس فقه ف يجي يدرسنا اهو كم كان عدد الطلاب معكِ في الصف؟ تقريبا ما يتعدى ال 30 بس كنا عن 90 طالب << مسوين بسطه حريم في الصف من الهذره والازعاج أين كان مكانكِ في الصف؟ برضوا على المزاج يالاول يا الاخير نادر اصير في النص من كان/ت ت/يجلس بجانبك؟ اوووه انا مو كل سنه غير انا كل يوم غير ف ما اتوقع اخلص لو اجلس اعددهم كم مرة كتبت/ي تعهد أو مخالفة ؟؟ متى ؟ ليش؟ امممم إذا ما خانتنتني ذاكرتي زي كل مره الظاهر مره وحده وكانت في الثانوي والسبب كان صفنا هادي بقوه " يعني مزعج " وجانا المدير وخلى الصف كله يكتبون تعهد لو طلع صوتنا برا بيفصلنا كلنا<< حزتها لو متكلم احد فينا شان تعلق في المروحه كم مرة انطردتي/ من الحصة ؟؟ متى ؟ ليش؟ مره وحده .. وكانت في ثاني ثانوي .. وكنت حزتها ما اداوم إلا بالعلك وانواع التمطخ والتصقع بالعلك . وكان عندنا مدرس الانجليزي سوداني وصادني وانا اطقطق شان يقول يازول قط العلك... قمت قطيته وانا راجع طلعت الثاني و " طرقاح .. طرقاح " اطقطق بالعلك ثانيه اشوي إلا قال يا ..... >>>> برااااااا كم مرة انحرمت/ي من الفسحة ؟؟ ليش ؟ اشوه ولله الحمد ولا مره انساها اي بس انحرم الله يطول بعمر الوالد لا هل سبق أن هزّأكِ معلم من المعلمين ؟؟ ما السبب ؟؟ نعم نعم .. وبكل فخر واعتزاز في مشكله العلك جاتني تهزيئه محترمه من طولها تلحفت فيها >>> إطلع برااااااا معلم/ة تذكر/ينها بالخير .. ولماذا ؟ امممم للامانه واجد او بالاحرى اغلبهم وكانوا حبايب على القلب خفايف على المعده كم مرة هربت/ي من الحصة ؟؟ اوووووه ذي عدد ولا حرج اول ثانوي قطعتها كلها وانا منحاش من الحصص قاصين على المدرسين نقول لهم ان احنا بنسوي مجله تثقيفيه للمدرسه وخلصت المدرسه ولا شافوا إلا الريش انت/ي في مدرسة حكومية أو خاصة ؟؟ لا ياماما حكوميه هل معكِ عضو/ة من المنتدى في المدرسة أو الصف ؟؟ انا في هالمنطقه بكبرها ما وياي احد .. ف اكيد من المدرسه والصف ماكو موقف ما تنسينه من أيام المدرسة ؟؟ والله بتعب لو اعددهم لكم بس راح اكتفي بهالوحيد وهو ياطويلين العمر والسلامه كنت في صف خامس او رابع ابتدائي ... وكان عندنا واجب .. وإذا ب الشعب كله " يمكن ما بقى إلا 5 او 6 جالسين " والباقي ماحلوه .. عاد انا كنت شاطر بس قص علي ابليس ونسيت ما حليته ... المهم المدرس كان عصبي ويشتغل فينا واحد واحد .. ما تشوف إلا العصا ترتفع وما تسمع إلا صوت ينزل ... على 2 -3 " طقات " لين تدمع العين ويقول اجلس .. طبعا مثل ما انتوا عارفين صعبه تصيح قدام الشعب ويصفط الطلاب واحد واحد وما يبقى إلا انا وواحد عراقي الله يذكره بالخير ويجلس يمغطنا تمغيط كرهنا الدنيا بسببه .. اخر شيء المسكين تعب وقربت تنتهي حصته ... قال طلعوا غسلوا وتعالوا .. احنا طلعنا ومو عارفين نمشي من الحراره اللي في يدنا والعيون جاها مغص وهي ماسكه الدمعه ... طلعنا وغسلنا وخلصنا وجينا نتمسح في حديد الطاوله لانه بارد وانتهت القصه بسلام " إلا بتبكس " ختاما اتمنى ما اكون ضيف ثقيل عليكم ادري هذرت واجد بس الله يعينك تقرون *ملاحظه صغنونه .. قدوه يرحم اهلك حسيت ان اللي كاتب الاسئله واحد ايراني !!! تعبت وانا ارقع في الاسئله وشاكر لك طرحك ودعوتي في ذا |
|
|
08-04-2011, 03:51 PM | #139 | |||||
حويراتي ماسي
|
وغسلنا وخلصنا وجينا نتمسح في حديد الطاوله لانه بارد وانتهت القصه بسلام " إلا بتبكس "
ههههههههههههههههههههههههه وربي فطسسستني من الضحكـ |
|||||
|
||||||
08-05-2011, 04:21 AM | #140 |
زائر
|
والله شسوي ياوخيتي
من الحراره جلسنا ندور اي شيء بارد نتلصق فيه |
|
|
|
|