3-هل كنت طفلا مدللا؟
اممممم يعني عادي مو حيل حيل
متوسط
4-هل مررت بصعوبات خلال فترة طفولتك؟
امممم نوعا ما في فقد الوالد
كنت احتاجه لكن الوالده ماقصرت وعمامي
5-هل كنت طفلا هادئا ام خجولا ام مشاغبا؟
هادي وخجول في البداية حيل
بس اشووي بعدين عادي الوضع
6- حادثا مر بك خلال طفولتك لم تنساه؟
اممم بعد مانجحت تقريبا من ثاني ابتدائي
عطوني هدية النجاح الا وهي سيكل طراز كلاسيك ههههههه
طبعا مابقى جدار ولاسيارة ماصدمت فيهم وتزلع
المهم طرشوني اشتري من البقالة شريت وجيت
البيت ولبقت الشبح حقي يم باب البيت
ونسيت انه برى البيت ذكرت بعد فترة
واطلع مااشوف شي ومابقى صياح ماصحته
ماعرفت انام ماتهنيت فيه يالقهر
7-اين كنت تقضي معضم وقتك؟
بيت خالي اكثر شي
بعد مانتقلنا كثرووا الربع
وحواسه في الشوراع
8- لعبتك المفضلة؟
الكورة
9-هل كنت طفلا اجتماعيا ام انطوائي ؟
في البداية انطوائي شووية
بس بعد مانتقلنا نروح بخمتنا كل مكان نحووسه
مابقى مكان مارحنا حتى النخيل نخل نخل بيت بيت
نصيد عصافير سبحنا في الري ههههههه فاضيين
اذكر رحنا نخل نقطع لوز واحنا نقطع الا صوت
الشباب هربوا بقى انا اشسوي يوويلي
الا راعي النخل حجي
ويعطيني ذيك البزخه عالظهر طبعت يده
والله ماحسيت فيها الا حين وصلت البيت من الخوف ههههههههه
بس استاهل الله يقطع شرنا كنا حوواسه حيل حيل
10- لديك اصحاب من الطفولة هل بقيت معهم ام باعدتكم الايام ؟
اكييييييد والى الان نتواصل
11-هل كنت تحب افلام الكرتون؟ وما هو فلمك المفضل ؟
اكييييد والله في زحمة
الكبتن رابح ولا موكلي وسنشيروو هذا احلى شي
قروندايز
12-كيف كانت علاقتك باخوانك واخواتك وما ترتيبك بين اخوانك
الحمدلله علاقتي واايد واايد
حلووة
لاني صاير مطراش فالبنات يمتوون في شي كذا
13-ماهو اصعب موقف حدث لك في طفولتك ولم تنساه ؟
اممم كان عمري 6 سنوات تقريبا وكانت الوالدة مطرشتني
لبن وكان الوالد مسافر وانا في الطريق يشوفني
ولد ويقول لي ابوك توفى انا رحت
شريت ورجعت البيت وقلت لأمي
ماصدقوو لاني كنت صغير بعد فترة
اعرفوو الخبر انا رحت غرفة امي وابوي
ودخلت تحت السرير ونمت
14-هل هناك انسان معين غرت منه في طفولتك..ولماذا؟
اي نعم من اختي اللي اصغر مني
اي شي تبيه يقوولون حاضرين
15-صف لنا اول يوم لك في المدرسة؟
امممم والله علينا سوالف
اذكر اول يوم في المدرسة لي انا وخالي
وولد خالي دخلنا الفصل وانا خايف
عطوونا بسكوت اولكر الاحمر وعصير
لان في ناس صاحت الله لايوريكم << ريض مابعد يجي الحماس
كان نفس اليوم تقريبا تطعيم
واحنا صافين طبور مانشوف الا ناس تطلع وتصيح
شالسالفة قالو يقزون ابره << انا لله هذا الوهقة
انا بسوي روحي قوي ولا بصيح جا دووري
تووه قبل مايحط الابرة طاحت دموعي مووولت بس
قزوني وصحت بعد اكتمها ليش ههههههه
16-شيء كنت تتمناه بطفولتك ولم تحصل عليه؟
حنان الاب
17- حلم الطفوله ماهو وهل حققته ؟
التفوق دائما والحمدلله من اول ابتدائي
الى الان وانا بالكلية متفوق بالامتياز
18-ما هي الانشوده التي كنت ترددها في طفولتك؟
والله قوولي شنو الانشودة اللي ماتكررها وانت طفل
ازعجت امهم داخل اقول قصيدة طالع اقول انشودة
كنت اذكر اقول قصيدة جعفر الدرازي
وكنت التق في بعض الحروف
احين الحمدلله ماكوو شي لاتطنزوون
اللي هي بوية انا عطشان اريد قطرة اميه تروي
عطش جبدي بعد ماارجع
مشكووووورة قمر الغلا
عالاستضافة الممتعة وعلى الموضوع الشيق
واللي فضحنا هههههه