ياصانع المكياج اللة يجازيك خليتني مخدوع في شكل خلي

بسم الله الرحمن الرحيم

.
.
السلام عليكم..

.
.
أحيانا نجد أنفسنا مصدومين من موقف لم نتوقع حدوثه ،عندها نقف لنفكر قليلاً ,وسرعان مايخطر ببالنا كلمة( يآ للغ ـبآء) (قدر الله وماشآء ف ـعل) (إن لم أكن أنا فسيكون غ ـيري)
هذه قصيده على مايبدو صاحبها عايش تلك(ال ـمفاجأة) الغير متوقعَه ,ماهي ردة فعلك لو كنت في محله! ,ستقول(المهم الأخلاق)..,طبعاً !
.
.

يـا صانـع المكيـاج الله يجـازيـك
خليتني مخـدوع فـي شكـل خلـي

الله يحـرق مصنعـك مـع مبانيـك
والمعرض الموجـود في بيكاديلي

ادعي عسى تعمى وتنشـل رجليـك
هـذا دعائـي دوم لا جيـت اصلـي

خليتني اركـض ورا البنت هاذيـك
واشوفها اجمل غـرام ٍ حصـل لـي

قلبي عشقها يا(جيفنشي) توماتيك
وان شافها قلبـي يرحـب يهلـي

هي رحبت بـي وقالـت الله يحييـك
وقالت هلا باللي عشق زيـن شكلـي

وقالت انا اجمل بنت في اللي حواليك
شف حسني الاخاذ وروجي العسلّـي

طالعتها ثـم قلـت هالقلـب يبغيـك
ومن شاف حسنك خلى غيرك يولـي

ابغي اشوفـك دون مكيـاج يكسيـك
وابغـي اشوفـك بالجمـال المحلـي

قالت تبينـي افـرك الوجـه تفريـك
واشيل هالبـودر وروجـي وكحلـي

قلت أي نعم قومي عسى الروح تفديك
ابغـي جمالـك هالطبيعـي يهـلّـي

قالت دقايق راجعـه لـك واراويـك
ذاك الجمـال اللـي لعينـك يسـلّـي

ويوم رجعت لي شربكتني الشرابيـك
وحسيت الارض تدور وانـا بمحلـي

الخد كنه يا(جيفنشـي) سيراميـك
والوجه شارع مثـل شـارع حولـي

الوجـه كنـه بيـت كلـه شبابيـك
من هالحفر في وجهها اللـي يعلّـي

كلـه سبـب مكياجـك الله يجازيـك
خليتني مخـدوع فـي شكـل خلـي

وأنصح أنا كل شاب من غير تشكيك
لا لا اتسـرع ثـم تنغـش مثـلـي

اللـي بـلا مكيـاج خلهـا حواليـك
واللـي تحـط مكيـاج خلهـا تولـي

.
.

دمتم بود

السلام عليكم ورحمة الله وبركاته

بسم الله الرحمن الرحيم


صدقت يافارس هجر



تحياتي لك

ههههههههههههه
والله صدقت يافارس هجر
تشوفون هالبنات بالماكياج وتنخدعون فيهم والا اللي لابسين البراقع وعيونهم الكحيلة وتنغشون وعيونكم تطيح وتنهبلون وتمشون وراهم مثل المهابيل ولاتدرون عن الخافي الاعظم
مشكور اخوي على الكلمات الرائعة

هههههههههههههههههههه

وقالت انا اجمل بنت في اللي حواليك
شف حسني الاخاذ وروجي العسلّـي

هههههههه صدقت في الكلامك على البنات
مشكور على الموضوع رائع

تحياتي
عشقي السبطين للابد

وعليكم السلام ورحمة الله وبركاته
صدقة يوم قلت

الخد كنه يا(جيفنشـي) سيراميـك
والوجه شارع مثـل شـارع حولـي
ههههههههههههه يالبنات