كم النسبة التي حصلت عليها العام الماضي أو الثانوية العامة ؟
انـا متخرج سنة 1427 من الثانوية العامه ونسبتي 92.54 %
كم كان عدد الحصص ؟
تقريباً كنا نآخذ 7 حصص في اليوم
ما هي مادتك المفضلة؟
الرياضيات والأحياء احسن المواد عندي
هل تفضل المذاكرة من الدفتر أو من الكتاب ؟
والله طوال الدراسة كنت اعتمد على تلخيص المدرس وكل مذاكرتي من الدفتر
يوم رحت ثالث ثانوي قلت وراي مااعتمد على نفسي ياولد واصير احسن من المدرس ههه
وبديت اذاكر من الكتاب ومن تلخيص المدرس
هل أنت من النوع اللي تحب " تشخبط" ع الدفاتر والكتب ؟
اوووووه
الكتب والدفاتر والطاوله ماابقت فيها مساحه كافية للشخبطه
اذكر آخر كلمة كتبتهاا على الطاولة في نهاية السنه
كتبت اذكروووني بعد الرحيل مع التحيات ......... >> واسمي ههه
إذا كنت متخرج - ما هي المرحلة التي كنت تحبها وما تزال تفاصيلها عالقة في ذاكرتك ؟؟
ماكنت احب الدراسه الا يوم كنت بثالث ثانوي
طوال دراستي كنت اسجل حضوري فقط وعشان خاطر اهلي اروح للمدرسة ههه
ولا عمري ماحبيتها
هل أنت من النوع الذي يتكلم كثيراً أو نادراً ؟
مااتكلم كثير ولا قليل
نص ونص
من كان معلمك المفضل ؟؟ وما المادة التي كانت يدرسها لك ؟
استاذ فيصل الهزآع
درسني مادة الرياضيات
هو الي حببني في المادة
كم كان عدد الطلاب معك في الفصل ؟
تقريبا 34 طالب ماذكر بالضبط
أين كان مكانك في الفصل؟
في النص على اليمين جهة الجدار
هذا مكاني المفضل
من كان يجلس بجانبك؟
وش تبون فيه
واحد الله يستر علينا وعليه ههه
كم مرة كتبت تعهد أو مخالفة ؟؟ متى ؟ وليش؟
اووووه عد واغلط
كل التعهدات الي اخذتها بسبب التأخير في الصباح
ماطلع من البيت الا والطبور الصباحي بآدي من زمان وعشان كذا يوقفووني ويطلبون الرخصه والاستماره ههه
كم مرة انطردت من الحصة ؟؟ متى ؟ وليش؟
الحمدالله مامرة انطردت
كم مرة انحرمت من الفسحة ؟؟ وليش ؟
يوم كنت بثالث ثانوي معظم الفسحات انحرمت منهاا
لاني مااكتب الملخص الي بالصبوره الا بعد مايخلص المدرس من الشرح
واغلب المدرسين مايلخصون الشرح الا في نهاية الحصه وعشان كذا تبتدي الفسحه وانا احك في الكتابه ههه
هل سبق أن هزّأك معلم من المعلمين ؟؟ ما السبب ؟؟
لا لا .. يخسي ههه
بالعكس علاقتي مع المعملين علاقه طيبه وكل ضحك ووناسه معاهم
معلم تذكره بالخير .. ولماذا ؟
كل المعلمين ولله الحمد اذكرهم بالخير
اغلبهم ماقصرو معااي في الدراسه ومساعدتهم لي
كم مرة هربت من الحصة ؟؟
مرات كثيره
واكثر شي نهرب في نهاية السنه واذا صار مافي احد في الفصل والزهق مخيم عليناا
مالنا الا نصفط الثووب ووينك يا جدار المدرسه ههه
انت في مدرسة حكومية أو خاصة ؟؟
لا وين ندرس مدرسة خاصة من كثر الفلوس الي عندنا
مدرسة حكومية وخابة علينا ههه
هل معك عضو من المنتدى في المدرسة أو الصف ؟؟
ماعرف كثير من الاعضاء هناا
لكن من ضمن الي اعرفهم هنا دم الطف
درس معاي في خامس وسادس ابتدائي
موقف ما تنساه من أيام المدرسة ؟؟
ههههه
انا في موقف كل ماذكره اموت على نفسي ضحك ههه
كنت في صف سادس ابتدائي
كان معاناا طلاب زاحفيين بشكل غير طبيعي ههه
المهم انا وولد جيراناا اخذنا الحماس وقلنا ناخذ سيور الكتب حق الطلاب كلها الي معانا بالفصل ونربطها مع بعض
والله وربطناها مع بعض وسوينا سير طووويل عجييب طول الفصل كله >> بقينا ندخل موسوعة جينيس على طوله ههه
واحنا نضحك على هالحركة ومستانسين وانا ماسك السير عند الصبوره وولد جيرانا ماسك السير نهاية الفصل وانا اتل واهو يتل 
الا ويدخل عليناا مدرس الجغرافيا استاذ عمر السبيعي كانت هذي الحركه في حصته
ويشوفنا وينصدم ههه
ويمسكنا ويجلدنا جلد الحميير في زاوية الفصل
وينادي على ازحف طلاب الي معاناا في الفصل ويقولهم ربطوهم بالسير الطويل الي سوينا ههه
والله الزاحفيين ماصدقو على الله سواهاا وربطانا كنهم يربطون البقر والغنم >> لانهم نخلاوية وجيدين في الربط ههه
المهم ربطانا لين نهاية الحصه وفكونا بعدين بعد ماهلكونا ههه
وخلآص بعدها اخذناها توبه وصرنا عاقلين والمدرسين كلهم يمدحون فينا يقولون انتو اعقل ناس في المدرسة ههه
.................
اشكرك اختي قدوة الصديقين على الأسألة الناااايس
وانا استمتعت بالاجابة عليها واتمنى اني وفقت بالاجابة عليها