احلام المواطنين السعوديين

كل انسان في العالم له احلام وطموح يتمنى يحققها ويعيش عشانها
لكن السعوديين مساكين احلامهم بسيطة ومع ذلك ماتوا ولا تحققت

بقلمي البسيط كتبت بعض آلامي وآلام كل السعوديين وامالنا البسيطة

1- اتمنى يكون عندي بيت ملك أأمن على عيالي فيه اذا غمضت عيني

2- اتمنى يعطون علاوة عن كل طفل المصاريف كسرت ظهري

3- اتمنى يخففون فواتير الكهربا والاتصالات

4- اتمنى اتخرج والقى الوظيفة

5- اتمنى يكون في اماكن ترفيه للشباب بدل العبارة اللي تلاحقنا طول عمرنا " يمنع دخول العزاب "

6- اتمنى الدولة تعطينا قرض زواج يناسب تكاليف الزواج

1- اتمنى اسوق سيارة <<<< حلم العمر اللي مب راضي يتحقق

2- اتمنى اتحجب او يتركون لنا حرية الخيار بين الحجاب والغطا بدون النظرة السطحية للي تقول ابي اتحجب

2- اتمنى الهيئة ما تطالع المرأة على انها اساس الفساد في العالم وكل يوم تطلع فتوى شلون تكبتنا شكل بيجي يوم يحرقونا ويفتكون منا

3- اتمنى نلقى وظايف <<<< الشباب مالقوا بنلقى احنا

4- اتمنى يعطون ربع حريتنا في لبسنا داخل الجامعات والكليات
والله عيب بنت كبيرة يمسكونها يجرجرونها على شان ايش قميصك فيه نقش مخالف للزي الرسمي !!!

5- اتمنى اسافر بدون ما يقول لي لازم محرم حتى لو كان عمر البنت 45 والمحرم 18 !!

6- اتمنى يكون في اماكن ترفيه خاصة لنا عشان ننطط براحتنا بدل ما بعض البنات الله يهداهم ينططون وعباياتهم تطير والشباب قز قبالهم

بس كتبت ست امنيات للبنات وست للشباب عشان اكون منصف
الحين كل واحد في خاطره امنية ما انكتبت يجي يكتبها

ولا تنسون ترددون سيمفونية الفخر الابدية
ارفع راسك انت سعودي !!!

لا تخيبوني ترى عصرت مخي عشان اكتب واصير ذهبي