انظروا ماذا وجدت مع شغالتهم ! وخذوا العبرة

	انظروا ماذا وجدت مع شغالتهم ! وخذوا العبرة [ينقل عنها] كان ياماكان في جديد الزمان كان عندنا شغاله فلبينيه تميل إلى الدباشه في كثير من الأوقات بس الظاهر انه انا الي طلعت دبشه مهوب هي المهم ., هي سافرت الأسبوع الي راح .. وانا مفكره أفتش أغراضها قبل ماتروح لأني دايم أفقد أغراضي .. وبشكل عام ماكنت أرتاح لها ., كان ودي اشوف اغراضها من دون ماتعرف عشان لاتسوي مشاكل ونبتلش وكان موعد الرحله الصباح .. وقبل بيوم اتفقت مع اختي انه تاخذها من عندنا * على اساس تنام عندهم ويوصلونها للمطار الصباح وبنفس الوقت يرجعون لي الحقائب عشان استفرد بهم وهي على بالها بيبتلون بالسياره إلين الصباح راحت لأختي بعد لحظات من الوداع وامي عاشت جو مع الوداع وبعد مانزلت ببيت اختي .. رجع زوج اختي ونزل الحقائب عندي حقيبتين وحده كبيره ووحده وسط جيت بفتح الكبيره لقيتها مقفله برقم سري .. قلت اكييييد فيها بلا حاولت افتحها وحاولت واشوى انفتحت <تسذا خشتي يوم انفتحت ., حسيت اني طايحه على كنز خخخخخ فتشتها كللها مالقيت شي سوى خرابيط ملطوشه من هنا وهناك .. خليتهم مااهتميت رجعت الحقيبه كما هي وقفلتها بالرقم السري < ياخسارة فرحتي هعهع المهم راح الحماس ., وبقي الحقيبه الثاني فتحتها وانا مالي خلق .. فتشتها مالقيت شي .. ويوم جيت أقفلها لفت انتباهي دبدوب صغير كبر الكف .. اخذته اضغطه حسيت فيه شي .. توقعته اللعبه الي تطلع صوت مع الضغط رجعته للحقيبه .. بس ماارتحت رجعت واخذته .. قلت بفتحه اشوف وش الي بوسطه وحتى جبت جوالي عشان اصوره .. لأني شكيت ان فيه شي اخليكم مع الصور فتحته وانا اتنافض تدرون كم ؟؟؟ 40000 أربعين ألف ريال وجدد بعد ياإلهي .. حنا محولين كل رواتبها .. واصلا رواتبها ماتجي عشرين ألف حسبي الله ونعم الوكيل كانت تاخذهن من غرفة اخوي الصبح .. ماخذه راحتها العمه واخوي الذكي .., * مايدري عن شي .. هو يشتغل بالتجاره ومايدخل الفلوس كل يوم بالبنك وكم مره اقول* له قفل الغرفه .. بس مهمل مهمل يشب التسبد هالحين الشغاله مسافره لها اسبوع وهو مابعد فقد شي ولا قلت له شيء أبرسله هالموضوع وأبقول له شف يافالح .. والفلوس تحلم تذوقهن .. بغبيهن عندي وابمرمطك عندهن المال السايب يعلم السرقة . . طبعاآ انا ماأخلي الشطانه عبيت الدب جرايد ورجعته للحقيبه صرخة ندم

قصه مؤثره الله يبعد عنا الشغالات
سلمت الايادي

	حسبى الله ونعم الوكيل الله لايوفقها والحمد لله المال الحلال مايضيع قصه ادهشتني صراحه ماتوقعت هذا المبلغ الله يستر مشكوووره ويعطيك العاااافية .... الله يبعدنا عنهم ويعطيك الف عافيه تحياتي دمووع الوورد

الله يفكنا من شرهم هالشغالات صار ينخاف منهم