بعض قصائد الشاعر الخرافي المكتوبة محمد بن فطيس المري

نبدآهـا بـقصيدة الله يجازي من يسوي سواتك


الله يجازي.. من يسوّي سواتك
.. وبذنوب من سوّى سواتك.. يجازيك
مشيت درب الثقل.. وتحبّ ذاتك
.. ما تدري إنه.. للمهالك يوديك
وغرّك جمالك.. يا خسارة حلاتك
.. ما تدري.. إن ما غير طبعك يحليك
بتقول زينك.. يشفع لسيئاتك
.. الحسن ما هو عن وفاء الحب.. يعفيك
لو التواضع والوفاء.. من سماتك
..بعت الحبايب كلهم دين.. وأشريك
لكن عجزت أغيرك.. يا جراتك
..على الغياب.. اللي بلا عذر ينجيك
خطاي.. في توضيح وشّي غلاتك
.. وخطاك.. في توضيح وشّو تغليك
وشلون توصيني.. وتنسى وصاتك؟
..وتصدّ عن صوت(ن).. تقطّع يناديك
ما فاتك التجريح.. والعذر فاتك
..وتبغي رضاي الحين..؟ ما عاد يمديك
صحيح أحبّك.. بس هذي جزاتك
..بعلمك درس(ن).. يفيدك ويحييك
تدري وش أبيض من خفوقك.. عباتك!
..وتدري وش اللي غرني.. نظرتي فيك
أدري بتستغرب.. تصبّر وجاتك
.. قصيدة(ن) من واحد.. (كان) يبغيك
وتبغي تناظر وأنت عايش مماتك..؟
.. شف وحدتك.. والناس تجلس حواليك
وتبغي تشوف أشجع رجل في حياتك..؟
...شفني.. وأنا راحل على كثر ما أغليك

***********

قصيدة شفتك وزاد بي الولع

شفتك وزاد بي الولع والشوق
..غنيتها من ساعه اقبلتي
عيني ماقد شافت كذا مخلوق
.. كنش على ذوقي تشكلتي
قلتيلي اصبر بس انا المطفوق
..عجلت في شوفش وعجلتي
اثر معك لي مرسل ومسبوق
..عز الله انك قلتي وطلتي
عين وشفاه وعاتق منتوق
.. وجسمن تغطينه ولاحتلتي
الليل عن وجه القمر مفهوق
..والعود مالومش الا ملتي
غصن على ساقي وفيه عذوق
..وش الغريبه لو تمايلتي
لكن قبل تمشين انا مسروق
..من صدري قبل شوي وش شلتي
اتلا العهد به قابضه معلوق
..من ساعه اقبلتي وحولتي
ماريته خالي وفيه فتوق
.. رديه واعدّش تجملتي

*********


قصيدة ياقو قلبك

ياقو قلبك على الصّـده ويـا صُبرك
وياوسع صدري على صدك ويا صُبري
وياطول عمـرك بذاكرتـي وياكُبرك
وياشيب عيني بشيّب عاد ذا كُبري
والله لون حمل صبري فوقـك..ان تبرك
والله ولو تعتذر منت بعلـى خبري
ان ما جبرك الغلا ما اقدر على جبرك
ياللي على ارض الوفـا ما شبرك بشبري
تزعل وترجع وتلقاني على خبـرك
وانا انكسر لك واجيك ادوّر لجبري
طيفك وذكراك طيلة غيبتك سبرك
وشوقي لشوفتك طيلة غيبتك سبري
امحق وليف ومحبه والا اقول ابرك
حسبي عليك اعشقك وانت اتحفر قبري..

*********


قصيدة لا ضاقت الدنيـا

لا ضاقت الدنيا عليك وتشاويت ..
.. خلق الله اللي فالرخا كان واجد
ومن العرب والصوت والثوب مليت ..
.. وقامت عليك هموم بأقعا تراجد
فارفع يديك لخالقك لا توضيت ..
.. وادعو تراك أقرب إليا صرت ساجد
ووقت من أوقاتك للأوقات توقيت ..
.. وسجل لنفسك في المساجد تواجد
وأبشر بفزعة حامي الدين والبيت ..
.. إليا هجدك من الهواجيس هاجد
اللي يميت الحي ثم يحيي الميت ..
.. لرضاه شف كثر البشر بالمساجد



*********



قصيدة الــبـارحـــة

البارحة ربي كتب لي ومريت ..

..دربٍ عليه بروق الأحباب لاحت
جيت المكان اللي جمعنا وخفيت ..
.. وقامت جروحي للجوارح وصاحت
ياليتني في لفة الدرب زليت ..
.. كان العيون من الدموع استباحت
التم غيم الدمع من يوم لفيت ..
.. وورقا القصيد لشوفة الغيم ناحت
وضحكت ماأبغي الناس تدري يبالفيت ..
.. لكنها غصبٍ على العين ساحت
حارت دموعي في عيوني وصديت ..
.. وأرمشت مابيها تبين .. وطاحت
وعقبه برق في العين براق .. واسقيت ..
.. خدي ووناتي بصدري تلاحت
وأنا أحسب إني في فراقه تشافيت ..
.. وان عبرتي من مدخل الزاد زاحت
اللي يحسب إني على البعد سجيت ..
.. والا ان عيوني للرقاد استباحت
ياليتني من قبل لا أحبه اقفيت ..
.. والا ان دروبي عن دروبه تناحت
أهون علي من البكا والتناهيت ..
.. وأشلا من سدودٍ على الناس باحت
عرفت كيف الحي يفرق عن الميت ..
.. وعرفت قيمة نعمتي يوم راحت
قولوله اني عقب بعده تدانيت ..
.. ورجلي عن دروب المعافين شاحت
البعد نار وطاعة العذل كبريت ..
.. يقصر على بعده .. ترى الكبد فاحت..

*********

قصيدة دكـتور العـيون

(يامؤمن الريفي )انا جيتك زبون..
.. جيتك على مدح اكثر الناس وعنيت
جيت وتعالى الله عمّا يشركون..
.. لولاه (يامؤمن) لطبك ما اهتديت
راضي بحكم الله علي مهما يكون..
.. عالج عيوني لو بعد طبك عميت
ودي اخاشر فالبصر من يبصرون..
.. واشوف دربي لا سرحت ولا ضويت
والى قنصت اثبت مع اللي يثبتون..
.. واشوف طيري كل ما اوميت ودعيت
ياااكثر ما يضرب خويي (الطابلون)..
.. من كثر ما اكلّته مطباات وكليت
وودي اشوف اللي علي يعرضون..
.. وبعض الليالي ودي اسري دون ليت
وااشوف ناس ٍ فالقفا ما يرحمون..
.. اما وقفت لصاحبي والا مشيت
من دون نظاره ولا هم يحزنون..
.. يااا كثر ما كسّرت كشمات وشريت
لكنٌ يا دكتور جعلك ما تهون..
.. ابغيك كلمت راس دامك ما بديت
اسمع......ولا ابغي اللي وزانك يسمعون..
.. ربي كتب يكشف لك اسراري وجيت
صورة عديل الروح عندك فالعيون..
.. واخاف تقطعها بموسك ما وعيت
ولا عليك امر..اطوها تحت الجفون..
.. وعقبه لو تقطع عيوني ما شكيت
هي راس مالي والعرب ما يدركون..
.. اني على باب الممات و ما حكيت
ياقو قلبي يوم قفن الضعون..
.. اللي على ذاك الموادع ما بكيت
ويا صبر صبري والعواذل يحسبون..
.. اني دلهت من الهوى والا سليت
اسكت عساهم من سكاتي يسكتون..
.. وانا عن اللي في ضميري ما انتهيت
وادور الفرحه مع اللي يسهرون..
.. وان ذكروني خذت فنجال وسريت
اخذت من وقتك يا دكتور العيون..
.. عالج عيوني لو بعد طبك عميت
واستر علي واللي معك لا يفطنون..
.. انت الوحيد اللي بعد ربي دريت

كفوووووو يالذيب

	الله عليك يا الشيخ وعلى ذوقك العذب... بجد كلمات غايه فى الابدع نثرت لنا هنيا حروفا تختال في الجمال,, وكلمات تطير في سما التميز والابداع؛؛!! سعيده لتواجدي في متصفحك الرائع صرخة ندم

حيااااك يالشيخه

منووورة الصفحة يبا

رااائع جدااا
يعطيك العافيه عالقصائد الرااائعه

شـكــ وبارك الله فيك ـــرا لك ... لك مني أجمل تحية .