السيده زينب في توديع اخيها الامام الحسين عليهما السلام

هذه قصيده للسيد محمد الصافي ألقاها ليلة توديع السيده زينب للامام الحسين عليه السلام:

جيت أودعك هالمسيّه ياشهيد الغاضريه
جايه وبالعين دمعه ليش صوتك مااسمعه
أنا اختك رد عليّه ياشهيد الغاضريه
شلون راح أمشي سبيّه وأنا مااقبل مذلّه
اقعد ولاتعوف زينب العذر ماهو محلّه
قوم ودعنِّي ياغالي قول لي خويه وداعةالله
ماشبعت وداع منك شلون راح افترق عنك
ياعزيز امي الزجيه ياشهيد الغاضريه
اعتنيت بليل يمّك ابجي ماكفّت دمعتي
ألطم إعلى الراس جيتك والدّمع جرّح وجنتي
من شكيت هموم قلبي ماقلتلي شبيج ياختي
أنا مرعوبه من إجيتك مخضب بدمك لقيتك
عالثرى طايح رميّه ياشهيد الغاضريه
أنا زينب بنت حيدر أصيله طاهره والراس عالي
أنا كل عمري قضيته مابشر شايف خيالي
حسين والعباس اخوتي يامره بعزّي ودلالي
شلون أرد من دون والي اقعد وشوف اش جرالي