ظهر الحق وزهق الباطل ان الباطل كان زهقوا

لاتقولون بعد مزوره ؟ تاريخ الهلال المليء بالرشاوي (( اعتراف من رئيس الهلال بتاريخ ناديه ))فضيحه هلاليه

هلا بكم ياهلاليين

اولا الموضوع مو للمشادات الكلاميه

واتمنى من كل قلبي النقاش الجاد البعيد كل البعد عن الخروج عن أدب الحوار هذا اذا كان فيه ردود

بعد مباراة الإتحاد مع الهلال قبل اسبوع تقريبا واللي سجل فيها سعد الحارثي هدف الفوز للإتحاد واللي حرم بواسطته الهلال من الصداره بعد أن أهداها له النصر بعد فوز النصر على الشباب

طلع لنا رئيس الهلال بكلام قوي جدا جدا جدا في تصريح اقدر اسميه تصريح الموسم

على ايام المرحوم ابو خالد كان يردد في تصاريحه ان الهلال يقدم رشاوي للحكام وكان لاجميع يتهم عبدالرحمن بن سعود بالتزوير في التصاريح وان هذا الكلام باطل ومن هالأمور

ولكن مع مرور الوقت ومرور الزمان

ظهر الحق

وبان الكلام

وعرفنا ان المرحوم الله يسكنه الجنه ماكان يتكلم من فراغ

هذه المره الإعتراف جا من رئيسهم حته وحده

اعتراف خطير

يجعل نادي الهلال وبطولاته على المحك

يجعل سمعة وتاريخ الهلال على كف عفريت زي مايقولون

وش قال رئيس الهلال ؟

بعد المباراه كان واضحه العصبيه عليه حتى انه للي تابع المباراه لنهايتها شاف انه راح يم الحكم دايركت وتلفظ بالفاظ ماندري وش محتواها (( مانبي نحط شي بذمتنا ))

وسمعنا عبر منتديات الأنتر نت ان رئيس الهلال اتهم الحكام بالرشوه

قلنا يمكن يقصد ان الإتحاديين راشين الحكم

لكن طلع التصريح اكبر من كذا

هو اتهم الجميع بدون استثناء

حتى اللي يلعبون بالدرجه الأولى اتهمهم

لكن الغريب ان التصريح اللي سمعنا عنه ولا شفناه ولا سمعناه

ماطلع في الجرايد

ماعدى صحيفه وحده

والغريب فعلا اننا لو فكرنا من خلف منع تواجد التصريح في الصحف هل بنعرف منهو ؟

هل يكون سلطان بن فهد مثلا ؟

او يكون نواف بن فيصل مثلا ؟

او يكون بندر بن محمد ؟

انا اتوقع بندر بن محمد

لكن اللي ماحسب حسابه اللي منع تداول التصريح

ان هناك صحف تنطبع قبل المنع

مثل صحيفة الندوه السعوديه

صحيفة الندوه طلعت التصريح



واضح الكلام فيه

وواضح اعتراف رئيس الهلال بأن ناديه استفاد من مساعدة الحكام له

بيجي واحد يقول عادي مافيها شي

ابقوله كيف يساعدون الهلال كذا من الباب للطاقه يعني ؟

او انهم يساعدونه لحدوث خفايا من تحت الطاوله

وخصوصا ان كلام الأمير يقول ان هناك فساد كروي في الرياضه السعوديه وان الهلال استفاد من هالشي

لكن اخواننا الهلاليين في منتديات الأنتر نت كذبو الخبر وقالو انه نصبه

وانه من تلفيق النصراويين وان الدعوه مزوره

زي مانبي نشوف في هالصوره الحين اللي حطها واحد هلالي انا شخصيا ماسكت عليه لانه اتهم النصراويين بتلفيق القصاصه وتزويرها ورديت عليه في وقتها ولا شفته من يومكم



وطبعا التصريح وصل لصحف الخليج ومن ضمنها صحيفة الإتحاد الأماراتيه وعلقت على الخبر

هالمقال يتكلم بإسم الصحيفه يعني مثله مثل المقال اللي جبناه في بداية الموضوع عن تصريح رئيس نادي الهلال عن تقديمهم للرشوه للحكام من أجل الفوز في المباريات نادي الهلال ورئيس الهلال وجمهور الهلال واعضاء شرف الهلال ماقدمو اي احتجاج على هالصحيفه من أجل نفي الخبر وتكذيبه يعني هم معترفين ان رئيسهم اعترف بتاريخ ناديه
واحد في منتديات العالمي

اسمه (( قاهر الهلاليين )) قال ان عنده تصريح رئيس الهلال بتسجيل صوتي

العالم كلها قالت انه نصاب طبعا اخونا في الله هاللي قاهر الهلاليين سكت فتره ولا جاب شي

حتى ان الهلاليين قاعدين يضحكون على كلامه

لكنه فاجأهم اليوم الأربعاء بإنزال التصريح في منتديات العالمي

واللي فيه تسجيل صوتي للأمير محمد بن فيصل رئيس الهلال وهو يعترف بأن الهلال ساعدوه الحكام في الزمن الفائت وقال كلام كثير من ضمنه تهجمه على أحد أندية الدرجه الأولى (( الحزم )) ويقول انه يقدم رشاوي ومن هالكلام وطبعا حقين الحزم ماسكتو عليه وردو عليه بوقتها


من الحين أعطي أخواننا الهلاليين الأعذار

فيه برامج تركيب أصوات
واحد يقلد ابوسلطان على قولتهم
تعودنا على التزوير من النصراويين
مدري . بس اكيد انه صادق << هذي آخر شي

.................................

كلمة حق :

فيه نقطه ودي اركز عليها
وهي رفض الإتحاد الآسيوي منح نادي الهلال لقب الزعامه الآسيويه (( نادي القرن ))
إذا عُرف السبب بطل العجب
نادي يقدم الرشاوي هل يستحق ان يكون نادي للقرن ؟
نادي مرسيليا الفرنسي أتهم في فترة التسعينيات الميلاديه بعد فوزه ببطولة اوروبا على نادي ميلان ان ماخانتني الذاكره اتهمو رئيس ناديه بتقديم الرشاوي للحكم واعترف الرئيس فسحبو البطوله من النادي الفرنسي وعزلو رئيس النادي ولم يكن هناك اي اعتراض من الفرنسيين او المرسيليين على هالأمر لماذا لايتدخل الإتحاد الآسيوي الآن ويحقق في بطولات الهلال الست الآسيويه ويشوف هل كان هناك فيها تقديم لرشاوي بعد اعتراف رئيس نادي الهلال بأن الرشاوي تقدم من ناديه للحكام ؟



للتاريخ فقط

ان كنت مُعجب بالهلال فتمهل قليلا

وانظر لتاريخه وتاريخ بطولاته

وقارنها بتصريح رئيس ناديه الموجود في صحيفة الندوه السعوديه

وموجود في صحيفة الإتحاد الإماراتيه

وبعدها راجع نفسك وحكِّم عقلك وفكر وانت ماسك زقاره وخاش جو

او ماسك لي الشيشه وخذلك نفس قوي

وانظر هل يستحق هذا النادي الإعجاب منك ؟ ؟ ؟

اخيرا:

الدعوه كوره

واتمنى من الهلاليين ان لاينكرو السالفه لانها ثابته ومدونه

وكذلك مراجعة انفسهم في انتمائهم للنادي (( الورقي ))

يقول رسول الله صلى الله عليه وسلم (( لعن الله الراشي والمرتشي والرائش بينهما )) او بما معناه







التاريخ لايكذب ياهلاليون

ورئيسكم أبدا لم يكذب في تصريحه

بل قال الحقيقه المخفيه عن عقولكم بفعل (( فاعلين ))

فهل بعد هذا يستحق المُدافعه منكم له بعد ان بان المستور
لجميع الهلاليين

تحياتي للجميع