ووصلوا احلام وماجد والكل واقف بانتظارهم

نزلت احلام من السيارة بسرعة وراحت لحض امها وهي تبكي والبنات تجمعوا عليها

نزل ماجد من السيارة الا ويد بوفهد تمسك ماجد وترمي على الارض

ماجد وهو مرمي عالارض .. عمي شفيك

بوفهد .. عمت عيونك ان شااء ولا يشرفني اكون عمك قلي منو انت لاذبحك ومايهمني شئ

ماجد .. خليني افهمك السالفة

بوفهد .. قبل ماتفهمني قلي سويت لبنتي شئ

الا التفت احلام وشافت ماجد مرمي وبوفهد واقف يصارخ علية

وبسرعة تركت احلام حضن امها وراحت تركض لابوها..بابا هدي وسم بالرحمن الولد مااسوى شئ

بو فهد وهو يطالعها.. اكيد هو هددك ويقرب يم بنته ويمسك ايدها احلام اذا سوالك شئ هالحقير قوليلي ولاتخافين

احلام والدموع تجمعت في عيونها والكل كان يطالعها ينتظرها تتكلم

احلام ..بابا انا رحت شالية بالغلط افتكرتة شالية خالتي ام ساامي و............) وقالت كل اللي صار
وهي تبكي بقوة

ضمها بو فهد لها بقوووة وهو يقول ..اكيد يابنتي هذا اللي صار

احلام ..اي بابا لاتظلم مااجد لولاه كان اللحين انا ضعت

ماجد .. كان يطالع في احلام وشلون كانت خايفة ويشوف اهلها شلون متجمعين عليها وخايفين عليها

قام ماجد بيمشي الا امسكة بوفهد .. ياولدي انا اسف وحقك علي بس انت تدري انه انا ابوها واكيد بخاف عليها والزمان هذا مالة امان

ماجد بابتسامة .. لا ياعمي عندك حق ولو انا مكانك بسوي مثل ماسويت

سامي وفيصل قربوا بجنب ماجد وسلموا علية

سامي ..عشانك شهم ولد ناس وانقذت بنت خالتي مابتمشي لين تتعشى معنا

فيصل ..اي ماجد خلنا نتعرف عليك ونردلك الجميل

توى بيتكلم ماجد الا قاطعة بو فهد .. ادخل ياولدي واذا مادخلت راح تخليني احس بالذنب

ماجد باحراج .. مايصير خاطركم الا طيب

ودخلوا الرجال المجلس

سااارة بعد ماستقر الوضع .. احليمووو وجع مرة ثانية انتظرينا مسوي روحك تدلين

امل .. اي والله عشان مرة ثانية ماتطولين على اسيادك وتمشين قبلهم

احلام .. منو اسيادي هالمهابيل وتاشر على خواتها

شهد .. ولا لها صوت بنت خالتي غلطانة وتتكلم

احلام .. انثبروا بدال ماتنسوني وتحسسوني انكم خفتوا علي تهزوني

الكل ..ههههههههههههههه

شهد .. صح ماعرفتك بملاك صديقتي وريما بنت عمها

احلام .. تشرفناا

ملاك وريماا .. وحنا كمان

ام فيصل .. يلا بنات قومووا ساعدونا لانة ماجد بيتعشى عندنا هو بوفهد واختي ام فهد

شهد .. حليموو وسوير واميل مو تفكرون روحكم ضيووف قوموا معنااا ساعدونا

امل .. صج انعدم الحياة في هالبنت كلش

ساارة .. اي حنا ضيووف مابنتحرك

ملاك .. عادي شهد خليهم بس بكرة بنجي عندكم عالعشاء في الشالية ولا بنسوي شئ

وامل وسارة وقفوا وهم يضحكون.. لالالا بنقوووووووووووووووم

احلام تضحك على خواتها .. وانا بقوم يلاا

وقاموا يجهزون

احلام كانت قريبه بجنب اختها سارة اللي كل شئ تقول لها وماتخبئ شئ عنها

احلام بهمس عشاان مااحد يسمعها من البنات .. سووير

سارة .. بصوت عالي نعم

احلام .. وجع تكلمي بشويش بقولك شئ

سارة بنفس الهمس .. شفيك

احلام.. امممم مو تحسين يعني لازم يعني امممم

سارة.. وجع تكلمي اممم وامممم شسالفة

احلام .. يؤ طيب بس مو تفهميني غلط

ساارة ... لالا شكلة السالفة فيها انه اعترفي

احلام .. انا اقول يعني مو كانة لازم اني اشكر ماجد عشاان ساعدني

ساارة وهي تتمسخر .. من ناحية لازم لازم الا واجب بعد

احلام .. شالتمسخر بس تدرين الحق مو عليك علي انا اللي اقولك عن اللي افكر في

سارة .. مادري عنك يعني شلون بتشكرينة ها علميني مثلااا بتروحين يم الرجال وبتقولين مستر ماجد جاية اشكرك

احلا وهي تعض على اسنانة ..انطمي للحين اكب هالماي اللي بيدي عليك

ساارة.. ماادري عنك

احلام .. قصدي اتصل علية فهمي تدرين والله كان اللحين انا مارجعت لكم مع انه اللي كانوا بيتهجمون علي من اصدقائة بس هزئهم عشااني

ساارة .. درينا بس شلون بتكلمينة

احلام .. انا اتصلت من جواله على جوال ابوي واكيد الرقم ماابرح باخذة وبتصل علية

ساااارة اوووووووووووووووة اختي خطيرة بعد تعرف تفكر

احلام .. ابتسمت

سارة بخوف ..بس احلام وعديني بس تشكرينة تمسحين رقمة

احلام ..اي اجل شنو تفكريني صج ماتستحين تشكين بأختك

شهد وملاك من وراهم بصوت عاللللللللللي ....... هييييييييييييي طحنا عليكم شنو تقولون

احلام بارتباك .. ها ها ولا شئ

سارة بتضيع السالفة .. وروني شنو سويتوا اطباااق

شهد وملاك ماحبوا يتدخلون بين الخوات ... يلااا تعالي نوريك

احلام .. الحمد الله سوير مافهت وعلمتهم

يلااااااااااا قمووورة كملـــي ^ ^