..]] منتديات الحويرات [[.. - عرض مشاركة واحدة - ..لِيه مِنْ أجِل آلمَصآلِح نَشتِهي حُب آلظُهور ..]]

مشاهدة أوسمتي · 08-01-2010, 02:03 PM

..لِيه مِنْ أجِل آلمَصآلِح نَشتِهي حُب آلظُهور ..]]

بِقلم .. آلشَآاعِره ..// خُلود آلبَرآارِي
\
ماتعلّمنا نكون اقسى من ( أشباه البشر)
لوتعلّمنا .. عرفنا كيف ه( الدنيا تدور )

القلوب الممكنه تنبض حسافات وقهر
والقلوب المستحيله ماتعيش الاّ تبور

ليه هالعالم يموت الف مره يابشر
يوم حسد ويوم بغض ويوم كره ويوم زور

ليه مانقدر نسامح من غلط .. او نعتذر
ليه اكثرنا يجرّح في بعضنا بْكل سرور

ليه مانسعى الى حل النزاع المنتظر
ليه من أجل المصالح نشتهي حب الظهور

هي حكايتنا حكايه .. او حكايتنا قدر
هو قدرنا هو قدرنا او تعوّدنا نثور

ليه يسبقنا الحديث .. مانفكّر بالأمر
نستمر بكل قسوه .. اتّأزم هالأمور

يابني ( آدم ) كبير الظلم واوهامك أمَر
اخلص النيّه وجمّل كلمتك بين الحضور

باكر تْغيب اليالي عن ملذات العمر
وانت غارق في ظنونك .. ماتعديت الشرور

كف ( حواء ) لو تمده لك يومين وشهر
يمكن تكون الصديقه ... والاّ .. الاخت الغيور

كلنا كنّا ملامح ناس من غير الشعر
أو شعر يرسم ملامح غير عن كل الحضور

كلنا كنّا ضحيّة حلم ظالم ماقدر
يصدق بكل المعاني ( حلم مايملك شعور )

ماتعودنا نصارح في سوالفنا ونقِر
نعتقد مُمكن بأن الي يصارحنا \ يجور

فينا واحد كان قاسي ... وفينا واحد ماشعَر
فينا من خان المآآآسي وفينا من خان الشعور

فينا من يحلم يطير فوق اغصان الشجر
وفينا من يغتال ضحكة طفل باحلام الطيور

فينا من يشهق حنينه بين روحه و النظر
وفينا من يعجز يقول كلمه مابين السطور

فينا من يشعر بقيمة نفس اغناها الفقر
وفينا من يدفن وجوده بين اشلاء القصور

كم فينا ..؟ ماعرفنا .... وكم نحتاج لصَور
كم حنّا ؟ ..مافهمنا ... كم حطّمنا الغرور

هذا حنّا .. كل منّا مافهم حكم القدر
والنصيب الي يودّينا الى درب القبور

بس لايمكن نكون اقسى من ( أشباه البشر)
لوشربنا من قساها باكر ( الدنيا تدور )

**
\

ممآرآق لي
فاطمة