..]] منتديات الحويرات [[.. - شفتك بعد غيبه وحاولت احاكيك

ماهو بـ/ من قلبي ، ولا من جراتـه !

بغيت اقول : فلان ؟ وازريت اناديـك !
وكنّي سمعت اسمـي مـع الالتفاتـه !

فزّيت من نومي وانـا اقـول : لبّيـك
واثرك رويا فـي منامـي وجاتـه .. !

صفقت كف وقلت : يـا حلـم يشويـك
جدّدت لي جـرحٍ هنـى فـي مباتـه !

يا اللي شريت البعد ما غاب طاريـك !
حتـى لـو ان البعـد سـوّى سـواتـه

ماهو بـ/ محزني على حاجـةٍ فيـك !
الا ان قلبـي شايـفٍ بـك [ غناتـه ]

كن الطيوف تقول : وش حال غاليـك ؟
واقول : راح ، وما بقـا الا غلاتـه !

لو ان ماجاني مـن الهـم ياتيـك .. ؟
كان المصلي مـا حفـظ وش صلاتـه

مرّيـت شارعكـم وصادفنـي اخيـك
واللي قطـع كبـدي حلاتـك حلاتـه !

بغيت ألخبـط مـن دعايـاه وادعيـك
واسمك وقـف بيـن اللسـان ولهاتـه

وبغيت اجيب العيد واقول : يرضيـك ؟
فـ/ اللي وصاتي له ، وضيّع وصاته ؟

البعـد شيّـب خافـقٍ مـيّـتٍ فـيـك
والى مشا خطوه ؟ عثر في عصاتـه !

مشكلتـي : ان قلبـي يحبـك ويغليـك
ومشكلتك : انك شخص عايش حياتـه !

كثـر الجفـا نـار ، وحطبهـا تغلّيـك
خف الحطـب لا تزيـد نـار الشماتـه

ان ما احزنك جرحٍ بـ/ رجواه يدعيك ؟
ما عاد تفـرق عيشتـه مـن مماتـه !

قلبـي وعمـري كلّهـا بيـن اياديـك
العمر [ فدوه ] لكـن القلـب / هاتـه !

وان ما بغيت ترد قلبي مـا اوصيـك ؟
احسن عزاه الى دريـت بـ/ وفاتـه !