..]] منتديات الحويرات [[.. - يالمهدي 00 من يوم الباب قلبك حمل كم مصاب

[المهدي والزهراء (ع)
يالمهدي من يـوم الباب ﮔـلبك حملْ ﭼـم امصاب
وضلْع الزﭼـيّه نـاداك والدنيا كلهـا تنخـاك
وينك يموعود
*****
مهدينا يا أصْل الفخـر والباري صَانك
واتعالى يا سور المجد بالعـزّه شَـانك
ننشِد عليك ابيا أرض صَايرمـﭽـانك
تدريـنه عشنا ابكل وكت محنة زمانك
ﮔـلبك عجب ما ينهار ظلْ منصـدع ليـل نهار
هالدنيا ظلمـه لُـولاك والدنيا كلهـا تنخـاك
وينك يموعود
*****
أصْل المصايب والحزن ضـلْع الزﭼـيّه
واتْوالتْ اعليك المحـنْ صبْح ومسيّـه
ما تغفى عينك يا نسـلْ حامي الحميّه
واتردّد ابسمعك وسف صوت الرزيّه
أم الحسـن يا ضـرغام ظلّـت تنـادي بالام
وهـي ابحـزنها تتنـاك والدنيا كلهـا تنخـاك
وينك يموعود
*****
تنْـدَه عليك الهالوكـتْ أمّك يغايب
تهتف تصيح وبالحزن مدمعها ساﭼـب
ما تدري بيّه اشخلّفتْ هاي النواصـب
جارتْ عليّه ولنْ صبـحْ دلاّلي ذايـب
ضلعي انكسر يا موعود يا سـاعه تـلفي واتعود
يوليدي وانا أرجـاك والدنيا كلهـا تنخـاك
وينك يموعود
*****
مـا ظل إِليْ واحـد يظلْ ينغر عليّه
مـن بعْد ابويه المصطفى سـيْد البريه
حتى الصميده اتصـدّع ابحمْل الرزيّه
لاﭼـنّه متمسّك غدا ابعهْـد الوصيه
حيدر جعل هـذا الثار بسمك يبن حامي الجار
هالليـله احـنا بحماك والدنيا كلهـا تنخـاك
وينك يموعود
*****
لا تنسى محسـن يا فخـر كل الغوالب
وهم ضلعي ذاك اللي انهشم منّ النواصب
ولا تنسى ابني اللي انذبح فوﮒ الترايب
أعظـم مصيبه وهـوّنتْ كل المصايب
عندك يا مهـدي ثارات تنسـاها يبني هيهـات
واتحـارب اللي عـاداك والدنيا كلهـا تنخـاك
وينك يموعود
*****

الاسير