..]] منتديات الحويرات [[.. - طفلة سنية من الاحساء التقت باالامام علي عليه السلام

طفلة سنية من الإحساء إلتقت بالإمام علي (ع)

بقولك عن قصة بنت صغيره وهي عن بنت سنيه من عائلة سنيه هذي القصة انشهرت بالمنتديات يمكن مرت عليك من قبل

بس بذكرك فيها وهي عن بنت صغيره

بالسعوديه وهذي البنت كانت صغيره يمكن عمرها بين 3 او 6 مايزيد

من صغرها وهي متربيه بمنطقة كل الي فيها شيعه

الاطفال الي بسنها وهم الصغار دايما يقولون ياعلي

بكل حركاتهم وهي اخذ لسانها على قول ياعلي واذا تروح للبيت امها وابوها يسمعونها تقول ياعلي و اذا اشوفونها يضربونها ويقولون لها ان قلتين كلمة ياعلي مرة ثانيه بنضربج اكثر من هالضرب

البنت صغيره وما تقدر تغير من شي تعودت عليه و الاب كره بنته كره شديد

وبمرة سافر الاب والام مع بنتهم الى البحرين وبلمكان الي هم ساكنين فيه كانت الصغيره تقول ياعلي بكثرة

الاب بهذي اللحضه انقهر من بنته و ذبحها من الضرب وقالها بحبسج اهني وبخليج بالجوع و العطش علشان تتوبين ولا تقولين ياعلي

الام والاب تركو بنتهم محبوسه و كانو متعمدين يتركونها علشان تموت ويقولون للناس انهم نسوها

رجعو للسعوديه وبعد ايام الام حن قلبها على بنتها وتمت اتصيح وتقول لزوجها انت تسببت بقتل بنتي وابي ارجع اشوفها

قالها بشوفينها ميته وقالت لازم اروح اشوفها حتى لو كانت ميته واذا ما خليتني اروح بطلب الطلاق

وطلبت منه يرجعون للبيت الي سكنو فيه في البحرين وتركو فيه بنتهم

بعد الحاح من زوجته وافق ورجعو للبحرين للبيت الي يقعدون فيه

كانو يضنون انهم برجعون وبشوفون جثة بنتهم ذايبه ومتعفنه لان ضلت محبوسه ايام

و قالت الام الى الاب انت افتح الباب مالي قلب افتحه و الاب قالها انتي افتحي انتي الي تبين ترجعين اشوفينها

وهم يتجادلون على من يفتح الباب ... طلعت بنتهم لهم تناديهم

و انصدمو من الا شافوه .. شافو بنتهم مثل ما تركوها وتكلمهم و هي مستانسه وسعيده

قالو لها احنا تركناج ايام طويله ونسيناج يا بنتنا وسامحينا

و الباب مقفول ومافي اكل ولا ماي هني شلون ما جعتين ولا عطشتين

قالت لهم امامي علي هو الي ياكلني و يشربني ويقعد وياي يلعب معاي وما خلاني طول فترة غيابكم وكنت سعيدة معاه

وهذي القصة حقيقيه و الاب و الام استشيعو وسلام الله على مولانا الامام علي