..]] منتديات الحويرات [[..

..]] منتديات الحويرات [[.. (https://www.hwerat.biz/forums//index.php)
-   ][ ... الرف الأدبي ... ][ (https://www.hwerat.biz/forums//forumdisplay.php?f=85)
-   -   رســـائل للبحر (https://www.hwerat.biz/forums//showthread.php?t=23734)

دموع الورد 09-09-2011 05:42 AM

رســـائل للبحر
 



مجموعة من الرسائل .. مكتوبة للبحر ... يفعل بها ما يشاء ... يغرقها او يوصلها الى الشاطئ الآخر .. مجرد ثرثرة ... فأقبلها يا بحـــــــــــــــــــــــــــــــــــر

http://www.sfari.com/photo/data/12/m...age0002241.jpg
جيتك يا بحر بعد ما ضاق بي الصمت
جيتك من كثر ما انجرحت وتألمت
يابحر شيل همي خلاص تبت وتعلمت
ماني لاقي أحد يحس بزفرة الآه
يابحر مدري أنا التايه ولا الحظ تاه
جيت أدور عني أنا
أبي ألاقي نفسي عندك بين صخورك
بأمواجك ,, أو في وجوه هالناس
جيت أفتش عن بقايا أشلائي
عن صوت اختفى بصمتي
وابتسامه فارقت شفاتي
يابحر قالوا عنك واسع وقلبك ماله شاطئ
بس أنا أبيك تسمعني للآخر
أنا جيتك حزين أصبر قلبي الصابر
جيت تسامرني بعد ماتفرقوا أحبابي
جيتك تداويني من أوجاعي
يابحر مالي غيرك مسامر
يابحر أبي جوابك
ليه الحزن مكتوب فيني؟؟؟
ليه يابحر أحس بوحدتي نار تكويني
يابحر الناس صارت من دون مشاعر
حتى أقرب الناس تغير وتجبر
يابحر محد باقي مثل ماكنت خابر
يابحر مالي ومال الناس؟؟
اللي فيني يكفيني
أنا محبوس بين صور من الماضي
أقلبها بأفكاري
حتى ضاقت بي الدنيا وتخلت عني أشعاري
وعاندتني أقلامي وكل الدفاتر
عشان كذا أبي تحس فيني
يابحر قلي ليه الدنيا عذاب
هموم ,, ودموع , واكتآب
ليه الكل رااااح من غير وداااع ليه راحوا بعيد
ما أشوفهم الا سراب
راحو بصمت لا تلويح ولا عتاب
يابحـــــر
ليه ناس مرتاحه وناس تنكوي بالنار
وليه جروح الكل تطيب
وجرحي للحين ماطاب
أدري أتعبتك يابحر
والأسئله ما لها عندك جواب
بس الحقيقه ليتك انسان
يمكن تحس فيني وش كثر أنا تعباان
ليتك تضمني بين أمواجك
ليتك تقرى قصتي وتعرف مين أنا
أنا قصيدة ألم من غير عنوان
أنا الألم كله
أنا جروح في صورة انسان
أنا ذكرى منسيه
أنا دموع وأحزان
باختصار أنا قصه
طويله مايحفظها كتاب
ليه يابحر؟؟
ليه ضاق صدرك
حتى أنت يابحر ماتبيني؟
ليه تنثر قطرات دمعك على عيني؟
يابحر بيكفي ,, دموعي تكفيني
مافيني حيل أواسيك أبيك أنت تواسيني
يمكن حتى أنت يابحر صرت مثل كل الناس قاسي
ماتحتمل هم أحد
وأنت منك ناقص هموم تكدر أفراحك
أشوفهم حولك في وجوههم سعاده
مدري ليش أنا أعيش لحظات الكآبه
يابحــــــــر
أبيك تحفظ شكوتي في أعماقك
وسر دمعتي احفظها أمانه
خلاص عشانهم برحل وما أكون سبب هياجك
افرح يابحر من أكون أصلا بين كل هالناس
أبرحل واعتبرني قطره من ذيك السحابه
ماراح أتحسف خلاص وش تفيد الحسافه
أبرحل واعتبرني تايه ظليل
أو سائح مر على أمواجك عابر سبيل

تحياتي
دموع الورد

همس الخيال 09-10-2011 12:11 AM

ليتك تضمني بين أمواجك
ليتك تقرى قصتي وتعرف مين أنا
أنا قصيدة ألم من غير عنوان
أنا الألم كله
أنا جروح في صورة انسان
أنا ذكرى منسيه
أنا دموع وأحزان
باختصار أنا قصه
طويله مايحفظها كتاب

راقت لي كلماتك
يعطيك الف عاااافيه

صرخة ندم 09-10-2011 07:33 AM


دموع الورد ملكة التميز شكرا بحجم السماء


يابحر أبي جوابك
ليه الحزن مكتوب فيني؟؟؟
ليه يابحر أحس بوحدتي نار تكويني
يابحر الناس صارت من دون مشاعر
حتى أقرب الناس تغير وتجبر
يابحر محد باقي مثل ماكنت خابر
يابحر مالي ومال الناس؟؟
اللي فيني يكفيني
أنا محبوس بين صور من الماضي
أقلبها بأفكاري
حتى ضاقت بي الدنيا وتخلت عني أشعاري
وعاندتني أقلامي وكل الدفاتر
عشان كذا أبي تحس فيني
يابحر قلي ليه الدنيا عذاب
هموم ,, ودموع , واكتآب




رغم الألم الذي يكتسح

سطورتس وكلماتس

ورغم الدموع المتسربة من

حروفتس إلا انها تبقى

رائعة وجميلة بكل

ما فيها

حروف وكلمات تجسد الالم والعذاب

كلمات رائعه من روعة كاتبها وتعبر عن مشاعر

كلها احزان ..

يعطيس العافيه دموع الورد على مابدعتِ فيه
تقبلِ مروري وفي انتظار المزيد من أبدعاتس.


http://www.m5zn.com/uploads/2011/4/1...gtq8yehphi.gif

صرخة ندم



دموع الورد 09-12-2011 03:02 AM


اقتباس:

المشاركة الأصلية كتبت بواسطة همس الخيال (المشاركة 271116)
ليتك تضمني بين أمواجك
ليتك تقرى قصتي وتعرف مين أنا
أنا قصيدة ألم من غير عنوان
أنا الألم كله
أنا جروح في صورة انسان
أنا ذكرى منسيه
أنا دموع وأحزان
باختصار أنا قصه
طويله مايحفظها كتاب
راقت لي كلماتك
يعطيك الف عاااافيه


الرووووووعه حضورك غناتي

لاعدمت تواااجدك


الساعة الآن 12:09 PM

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir

Ads Management Version 3.0.1 by Saeed Al-Atwi