المساعد الشخصي الرقمي

مشاهدة النسخة كاملة : ضرب المره يا ناس ما هو رجوله


أهات العسكريين
07-25-2009, 04:22 AM
ضرب المره يا ناس ما هو رجوله
وما ظنتي من يضرب البنت رجال


لا والله انه ما يعرف الفحوله
وبالمهزله يضرب به أمثال وأمثال


وبعض البشر يقهرك باللي يقوله
جاهل يدرس له ملايين جهال


أكبر طموحه يعمل أصغر بطوله
عنوانها دم المره ما بعد سّال


الضرب للزوجه هو افضل عموله
ويا كثر ما جابوا من أقوال وأقوال


كم جاهل ٍ فيهم تردت فعوله
وكم عالم ٍ ما يتقي شر الأعمال


يلعب ويضرب في بنات الحموله
أحلى االتفاهم عنده بسوط وعقال


لا عاش رجل ٍ كل هذا ميوله
ولا عاش من يتبع حكايات الأنذال


ناس ٍ لهم بالجهل صوله وجوله
اكبر طموحه عيشة البنت في أذلال


عايش وبالقوه يدبر حلوله
يسمع نصايح ناس مجموعة حثال


الشرع قال أدب وطبقت قوله
ما قال عذب واضرب بحقد وخبال


لكن بعض الناس حرف نزوله
والمسأله صارت بطولات وابطال


والعلم ما كل ٍ يطبق أصوله
عشنا وشفنا من مصيبات واهوال


ناس ٍ بنو للمجد مليون دوله
وناس تموت وما بنت نصف تمثال


ودرب العلا ما كل واحد يطوله
ما طاله إلا شخص واعي وخيال


ولا هنت يلي كم بيت ٍ تعوله
يلي لكم بالعز رايه ومنزال


ناس ٍ لفعل الشر ما هي عجوله
تعطف على الحرمه ولا تحقر أطفال


الله يعز اللي يعيش ابسهوله
والله يبدل للبشر بعض الأحوال


والله يرزقني ببنت ٍ خجوله
أطرب لها قيفان وأبدع لها أمثال


واغيض منهو مر حولي وحوله
واشفي غليلي من حقودين عذال


واقهر عديم المرجله والفحوله
واقول يا جعلك من الكون تنشال


وان قال ضرب البنت أكبر رجوله
قولوا له انه ورع ما هوب رجال


{قصيده موجه لتلك القلوب القاسيه}
مـمــــا راق لـــــــــــــــي
تحياتي لكم

دانه
07-27-2009, 03:14 AM
ما اقسى قلوب بعض الرجال
بعضهم عندهم مرجلة ضرب المره
مشكورة يالغلا على الكلمات الرنانة المعبرة

ملكة الغرام
07-28-2009, 03:21 AM
يسلمووووووووو ومشكووووووووووره
الله يعطيك العافيه وانشاء الله ما يكون فيه رجال يضرب زوجته
ملكة الغرام

دموع الوحي
08-01-2009, 03:30 AM
السلام عليكم ورحمة الله وبركاته


بسم الله الرحمن الرحيم



أهات العسكرين
كلام في قمه الرووووعه


يسلموووووووووووووو



على هذه النقل


تحياتي لكي

بدربونادر
08-18-2009, 04:41 PM
شـكــ وبارك الله فيك ـــرا لك ... لك مني أجمل تحية .

احساس
05-14-2011, 11:50 PM
اي والله صح السانك
مهوب رجاااااال
الي زي الاشكال يبيلهم علاج نفسي
موفق بإذن الله ... لك مني أجمل تحية .