..!! ماروكو !!..
04-02-2009, 08:20 PM
أبيات مختارة للشاعرين السيد عبد الخالق والسيد أحمد
الرسل والأنبياء صبروا جبال
وبالصبر لأهل الصبر ضربوا مثل
ما صبر يشبه صبرهم مستحيل
واليبالغ لا يبالغ بالسهل
تحملوه وشكروا الله على البلاء
والبلاء المو سهل بيهم نزل
حاشَ ما جزعوا ولا عرفوا ملل
ما صبر يشبه صبرهم مستحيل
واليبالغ لا يبالغ بالسهل
وقعت كل الضماير والعقول
وهاي ساحة وخل يقول الماقبل
الا واحد , واحد ما له مثيل
الي اتفقت عليه كل الملل
كل صبرهم من اجمعه وخل ازيد
ما يصل لحظة وداع وهم اقل
والله لو كلها بشخص واحد تصير
هم يذهله الصار ويصيبه الخلل
واليعرفه يقول بس يحجي بحذر
آنا أسأل عن بشر فوق البشر
آنا اعرفه
حسين
آنا اعرفه , حـسين
لم الانبياء كلهم بقطرة ونزفها من النحر
أنا أوصل غايتي بإسم الحسين
وأفخر على أهل الفخر من هالفخر
حسين قاموس الفضل تقرأ الحسين
ذاريات وهودها وصاد وزمر
حسين فوق أوصافنا وفوق الخيال
ما يلوحه الشوف وتجمعه الصور
حسين مثل حسين يتعذر مثال
شنهو وصفه وعجزت ارباب السير
حسين من اربع جهات من ارد اجيه
القى وجهه ويركع بعيني النظر
حسين قمة وراية فوق القمة صار
تكبر بعين الجبير اش ما كبر
حسين ينبض مرجلة وعزه وثبات
والدليل الدم على سيف انتصر
حسين زف الغانمه بحنة نحور
والصبر نيشانها ودمه المهر
حسين يعطش لاجن اش حقه الفرات
يقول آنا وما يطيع أمري البحر
حسين بحر الي ما تصل هدره البحور
من صعد طوفان بالطف وهدر
حسين ما غطا بدرع صدر الحديد
مدرع بصدره وخسف صدر الدهر
حسين صدره الكون واشرع للرماح
وانطوت عند صدره والموت اعتذر
حسين من غيم زعل لم الجيوش
وجان سجيل المطر بس المطر
حسين مرهف حد ابابيل الإلاه
يخلي سيل الخيل بالروس تعثر
حسين من عباس حشم وا اخاه
والله حتى المنشطر بالنص طفر
حسين ويعباس شطرين ذو الفقار
حسين نفخة صورها ولبت سقر
حسين لولا رحمة الله بهالنداء
جان قلبها وضمت القاع الخبر
حسين رحمة وهي مالت للقلاب
بس عدلها وصار ميزان القدر
حسين مذبوح وسمع زينب تصيح
قام بس غيرة وحماها من الخطر
حسين هو الغيرة والغيرة الحسين
ومو عجيبة حسين على الغيرة نفطر
جالقمر ماغاب جالشمس بدماه
وبيمن أجمل بالشمس لو بالقمر
هنّ هن ّ اثنينهن نور على نور
أشرقت لحسين والكون انبهر
حسين لولا حسين باجر جالأمس
وما غرق فرعون وتلقن درس
والله لولا حسين سيف الموزمات
بالغمد يوم الكلايف ينحبس
والله لولا حسين جان عشنا بظلام
وهاري في الظلمة سبع من يفترس
والله لولا حسين شمس الخالدين
جان طفت شمس الله والحق ينطمس
والله لولا حسين ينذل العزيز
ولا كرامة تظل ولا عزة نفس
والله لولا حسين ضاقت بالشريف
وما تظل راية شرف ما تنتكس
والله لولا حسين جان سوق العبيد
غاص بينا وجملة كل عشرة بفلس
والله لولا حسين نمنا على الهوان
وجان نمد جفوف بالذل تنترس
والله لولا حسين يتسيد يزيد
والعراقي يصافح جفوف الرجس
والله لولا حسين ما همنا العراق
وبغلاة ترابة أبدا ً ما نحس
والله لولا حسين نخضع للضغاة
وصار ثوب العار عشرة بكل لبس
والله لولا حسين تنباع الأصول
والمبادئ سومها بسوم البخس
والله لولا حسين ما تلقى الغيور
ونبتة الغيرة أبد ما تنغرس
والله لولا حسين جان مات الضمير
ابلا ضمير المله بيمن تنحرس
والله لولا حسين متنا بلايا موت
وما عرفنا الموت حرية وعرس
والله لولا حسين معراج الدعاء
انسدت أبواب السما على اليلتمس
والله لولا حسين ما يحفظ كتاب
وتندفن سنة نبينا وتندرس
والله لولا حسين جان صوت الأذان يخرس
وهاي المنابر تنخرس
والله لولا حسين راسه على الرماح
مارفعنا الروس فوق من الشمس
والله لولا حسين افلاك السماء
يختلف ميزانها وتفتر عكس
حسين علمني الجهل من يتسع
للرسالة نحور لازم تندفع
ما أذل هيهات علمني الحسين
والمجد بأهل المواقف ينصنع
ما أطخ الراس علمني الحسين
حتى لو مذبوح لازم يرتفع
ما أهاب الموت علمني الحسين
وأعرض بحلق اليضد ما أنبلع
ما يطيح السيف علمني الحسين
وما يهد السيف جف الينقطع
ما أبيع الدين علمني الحسين
وآنا عندي الدين مسمار بضلع
*ما كتب بالأحمر الى السيد عبد الخالق
والأخضر الى السيد أحمد
اللهم صل على محمد وآل محمد وعجل فرجهم والعن اعداءهم يا كريم
الرسل والأنبياء صبروا جبال
وبالصبر لأهل الصبر ضربوا مثل
ما صبر يشبه صبرهم مستحيل
واليبالغ لا يبالغ بالسهل
تحملوه وشكروا الله على البلاء
والبلاء المو سهل بيهم نزل
حاشَ ما جزعوا ولا عرفوا ملل
ما صبر يشبه صبرهم مستحيل
واليبالغ لا يبالغ بالسهل
وقعت كل الضماير والعقول
وهاي ساحة وخل يقول الماقبل
الا واحد , واحد ما له مثيل
الي اتفقت عليه كل الملل
كل صبرهم من اجمعه وخل ازيد
ما يصل لحظة وداع وهم اقل
والله لو كلها بشخص واحد تصير
هم يذهله الصار ويصيبه الخلل
واليعرفه يقول بس يحجي بحذر
آنا أسأل عن بشر فوق البشر
آنا اعرفه
حسين
آنا اعرفه , حـسين
لم الانبياء كلهم بقطرة ونزفها من النحر
أنا أوصل غايتي بإسم الحسين
وأفخر على أهل الفخر من هالفخر
حسين قاموس الفضل تقرأ الحسين
ذاريات وهودها وصاد وزمر
حسين فوق أوصافنا وفوق الخيال
ما يلوحه الشوف وتجمعه الصور
حسين مثل حسين يتعذر مثال
شنهو وصفه وعجزت ارباب السير
حسين من اربع جهات من ارد اجيه
القى وجهه ويركع بعيني النظر
حسين قمة وراية فوق القمة صار
تكبر بعين الجبير اش ما كبر
حسين ينبض مرجلة وعزه وثبات
والدليل الدم على سيف انتصر
حسين زف الغانمه بحنة نحور
والصبر نيشانها ودمه المهر
حسين يعطش لاجن اش حقه الفرات
يقول آنا وما يطيع أمري البحر
حسين بحر الي ما تصل هدره البحور
من صعد طوفان بالطف وهدر
حسين ما غطا بدرع صدر الحديد
مدرع بصدره وخسف صدر الدهر
حسين صدره الكون واشرع للرماح
وانطوت عند صدره والموت اعتذر
حسين من غيم زعل لم الجيوش
وجان سجيل المطر بس المطر
حسين مرهف حد ابابيل الإلاه
يخلي سيل الخيل بالروس تعثر
حسين من عباس حشم وا اخاه
والله حتى المنشطر بالنص طفر
حسين ويعباس شطرين ذو الفقار
حسين نفخة صورها ولبت سقر
حسين لولا رحمة الله بهالنداء
جان قلبها وضمت القاع الخبر
حسين رحمة وهي مالت للقلاب
بس عدلها وصار ميزان القدر
حسين مذبوح وسمع زينب تصيح
قام بس غيرة وحماها من الخطر
حسين هو الغيرة والغيرة الحسين
ومو عجيبة حسين على الغيرة نفطر
جالقمر ماغاب جالشمس بدماه
وبيمن أجمل بالشمس لو بالقمر
هنّ هن ّ اثنينهن نور على نور
أشرقت لحسين والكون انبهر
حسين لولا حسين باجر جالأمس
وما غرق فرعون وتلقن درس
والله لولا حسين سيف الموزمات
بالغمد يوم الكلايف ينحبس
والله لولا حسين جان عشنا بظلام
وهاري في الظلمة سبع من يفترس
والله لولا حسين شمس الخالدين
جان طفت شمس الله والحق ينطمس
والله لولا حسين ينذل العزيز
ولا كرامة تظل ولا عزة نفس
والله لولا حسين ضاقت بالشريف
وما تظل راية شرف ما تنتكس
والله لولا حسين جان سوق العبيد
غاص بينا وجملة كل عشرة بفلس
والله لولا حسين نمنا على الهوان
وجان نمد جفوف بالذل تنترس
والله لولا حسين يتسيد يزيد
والعراقي يصافح جفوف الرجس
والله لولا حسين ما همنا العراق
وبغلاة ترابة أبدا ً ما نحس
والله لولا حسين نخضع للضغاة
وصار ثوب العار عشرة بكل لبس
والله لولا حسين تنباع الأصول
والمبادئ سومها بسوم البخس
والله لولا حسين ما تلقى الغيور
ونبتة الغيرة أبد ما تنغرس
والله لولا حسين جان مات الضمير
ابلا ضمير المله بيمن تنحرس
والله لولا حسين متنا بلايا موت
وما عرفنا الموت حرية وعرس
والله لولا حسين معراج الدعاء
انسدت أبواب السما على اليلتمس
والله لولا حسين ما يحفظ كتاب
وتندفن سنة نبينا وتندرس
والله لولا حسين جان صوت الأذان يخرس
وهاي المنابر تنخرس
والله لولا حسين راسه على الرماح
مارفعنا الروس فوق من الشمس
والله لولا حسين افلاك السماء
يختلف ميزانها وتفتر عكس
حسين علمني الجهل من يتسع
للرسالة نحور لازم تندفع
ما أذل هيهات علمني الحسين
والمجد بأهل المواقف ينصنع
ما أطخ الراس علمني الحسين
حتى لو مذبوح لازم يرتفع
ما أهاب الموت علمني الحسين
وأعرض بحلق اليضد ما أنبلع
ما يطيح السيف علمني الحسين
وما يهد السيف جف الينقطع
ما أبيع الدين علمني الحسين
وآنا عندي الدين مسمار بضلع
*ما كتب بالأحمر الى السيد عبد الخالق
والأخضر الى السيد أحمد
اللهم صل على محمد وآل محمد وعجل فرجهم والعن اعداءهم يا كريم