قــصــهـ حــقــيــقــيــهـ<<<<لاتفوووتكم روووعة

[الصراط]

http://forum.te3p.com/images/smilies/2009/t006.gifالسلام عليكم ورحمة الله وبركاتهhttp://forum.te3p.com/images/smilies/2009/t006.gif



شوفوا معاي هالقصه الحقيقيه وترى ابطالها حقيقيين




واسمائهم حقيقيه ( لاتنسون اقروا الملاحظه اللي بأخر القصه )




نبتدي( القصه ع لسان صديقة بطلة القصه )


________




حصه/ هي بطلة هالقصه كان مقرر زواجها بـ 29 /1 / 2010 لكن قدر الله وماشاء فعل




حصه بنت طيبه http://forum.te3p.com/images/smilies/2009/t122.gifبكل معنى الكلمه ومحبوبه حييل من كل اللي حواليها




من الاهل والاصدقاء وفوق هذا جميله لكنها ماتتبهى بهالجمال بالمره


وماشيه ع النيه ..http://forum.te3p.com/images/smilies/2009/t003.gif




حصه تعشق شي اسمه ( نت ) وتقريبا يومها كله يروح بالقعده ورى هالكومبيوترhttp://forum.te3p.com/images/smilies/2009/t114.gif




وماشاءالله عليها بكل موقع تدخله تتميز وتاخذ رتبه




تقريبا كل الرتب اخذتها مشرفه مراقبة اقسام مراقبه عامه وحتى الاداره باللي باللون ( الاحمر )




وهي ماشاءالله شعلة نشاط بكل هالمواقع ( لكن ) فيه واحد من هالمنتديات تحبه بشكلhttp://forum.te3p.com/images/smilies/2009/t101.gif




جنوني وناقعه فيه ليل مع نهار ومحبوبه من الكل فيه




ولانها متميزه بشغله بهالمنتدى محد تميز فيها الا هي .....؟؟



المهم مستمره هالبنت ومدهره بتلبية طلبات الاعضاء اللي ماتنتهي وتفرح لما يثنون عليها




بهالشغله اللي تسويها وع هالحال لمدة سنتين لاتكل ولا تمل




وطبعا ادارة هالمنتدى ماتقصر بمنحها الاوسمه والتشجيع المستمر




اللي يخليها تناقز من الفرحه وتعطي اكثر ..




المهم هالبنت تقرر زواجها بالتاريخ المذكور اعلاهـ ..




وبدت تحضر لزواجها وهي فرحانه لان اللي بيتزوجها ولد خالتها وهو شاب كل الصفاة الحلوهـ
http://forum.te3p.com/images/smilies/2009/t111.gif



فيه وهي معجبه فيه حييلhttp://forum.te3p.com/images/smilies/2009/t133.gif




المهم حضرت كل شي وفي كل روحه لها للتسوق تاخذ اعز صديقاتها وهم ......؟ وريم


مع امها واختها




خلصت كل تجهيزاتها للزواج وحتى فستان الزواج اصبح عندها بالبيت لانه كان تصميم خاص




لها وغالي وااايد




وكل يوم لازم تطل ع هالفستان >> وصرعت صديقاتها فيه دوختهم لدرجة




وحده من صديقاتها قالت لها لعنبو ابليسج ليش تحسسيني انج عانس




وماصدقتي تتزوجين وجع اركدي




ع العموم قرب زواجها وقبل الزواج بإسبوع فقط ..؟؟



اقعدت من النوم وهي تصارخ وتبكي بشكل هستيري وكانت الساعه (2) الصبح http://forum.te3p.com/images/smilies/2009/t094.gifhttp://forum.te3p.com/images/smilies/2009/t094.gif



وكان اصراخها عالي وع وصف اختها كان اصراخ مرعب وكأنها ( ملبوسه )




استمرت بـ الصراخ وامها وابوها واختها وزوجة اخوها يحاولون يسكتونها ويهدونها


لكنها مستمره بشكل مخيف




وكان ابوها يقول يابنت اهدي واقصري الصوت العالم الفجر لاتفضحيناhttp://forum.te3p.com/images/smilies/2009/t137.gif




وهي مستمره راحت اختها وكلمت اخوها اللي كان مداوم وقالت له السالفهhttp://forum.te3p.com/images/smilies/2009/t090.gif




وطبعا ترك شغله وجاء وهو مخترع من الوضع




لما وصل اخوها وشاف شكلها الغريب بسرعه طلع من البيت وراح لإمام المسجد




اللي كان يقيم بغرفه بالمسجد وجابه للبيت دخل الامام وشاف منظر البيت




فقرب منها وبدأ يقرأ القرأن وكانت امها ماسكتها وترش عليها من الماي اللي مقري فيه


وتغسل وجها




بعد فتره هدت البنت وبدت تبكي بحرقه وتقول خلاص معاد ابي اتزوج خلاصhttp://forum.te3p.com/images/smilies/2009/t143.gif


هالزواج مافيه خير لي ولكم




فـ استغرب الجميع من كلامها وقالت اختها زواجك بعد اسبوع بس




قالت ولو ماراح اتزوج سألها الامام ليه يابنتي استهدي بالله وقولي لنا شاللي خلاك




تقولين هالكلام وتتخذين هالقرار المفاجىء للجميع ...


قالت




شفت شي بمنامي خلاني التخذ هالقرارhttp://forum.te3p.com/images/smilies/2009/t126.gif




شفت اني لابسه ثوب زواجي وكنت بصالة الافراح وامشي بين الحضور




وكنت فرحانه بس كنت احس الارض اللي تحتي مو مستويه وبغيت اطيح اكثر من مرهhttp://forum.te3p.com/images/smilies/2009/t084.gif




بس كنت اتماسك قدام الناس علشان الفشله ..




وصلت الكوشه وجلست بإنتظار العريسhttp://forum.te3p.com/images/smilies/2009/t077.gif ولما وصل وبدأ يسلم ع خواته وامه




وجاء وجلس جنبي وكنت منبهره فيه واتباهى بوجوده جنبي لانه امنية كثير من بنات الاقارب




المهم جاء وقت تقطيع الكيكه ووقفنا ننتظر الكيكه ولما جابوها العاملين عليهاhttp://forum.te3p.com/images/smilies/2009/t085.gif




كانت مغطاهـ بغطاء حلو ومبهر فقلت لاقرب الناس لي اختي وصديقاتي المقربات




انتوا بالذات بذوقكم منها تعالو جنبي




وهنيه اكشفوا عن الكيكه ولا هي كوره من نار حرارت لهبها يصلي الوجه ونور




اضاءتها يعمي العيون صرخوا الناس وانا استغربت وكنت راح ابتعد عنها لكن امسكتني صديقتي




ريم وقالت تعالي قصيها ياحصه ليش خايفه قلت لها بس هذي نار قالت عادي




الكيك متعدد الاشكال بس طعمه حلو ولاتنسين انج انتي اللي طلبتيها بهالشكل




قلت لها متى ياريم وربي ماطلبتها تكون جذي




قالت ريم امبلا ياحصه انتي طلبتيها وانا حذرتج من هالشكل وانتي صميتي اذونج عني




استغربت من كلام ريم واخذت السكين وانا احس اني مغصوبه قطعة اول قطعه




واخذتها بإيدي وكنت راح اعطيها زوجي لكن مالقيته التفت ادوره مالقيته فـ عطيتها




ريم قالت شكرا ماابيها فـ مديتها لـ ----؟ فـ امسكتها لكنها احرقتها بإيدها ورمتها




وهي تتألم ولما نظرت للي وراها لقيت طابور من الناس كلهم مادين




ايديهم فـ فرحت قلت غريبه حبوها رغم انها تحرق وبديت اقطع لهم وياخذونها وهم يتألمون




من حرارتها بعدها تعبت وانا اقطع والكيكه كل مانقصت زادت مره ثانيه والطوابير





سبحان الله وبحمده ... سبحان الله العظيم






تزيد واللي يبون منها يزيدون وضليت ع هالحال ساعات طويله ومن التعب كنت ابكي




انهكت ع الاخر وكل ماجات عيني بعين ريم بكيت اكثر وهي كانت تمسح دموعها




صرخت وقلت ياريم تعبت متى تخلص هالكيكه قالت ريم تو الناس ياحصه باقي واايد




وبدت حرارت النار تسيل مكياجي وتوسخ الفستان وكنت اعاني من التعب الشديد




وفجأه علقت النار بإيديني وبديت اصارخ واصارخ




مثل ماشفتوني .. وانا خايفه خايفه ياشيخ




قال الشيخ استغفري ربك يابنتي وقومي توضئي وصلي ركعتين وان شاءالله خير



نسـأل الله التوبة النصوح
_______




اختها حست ان فيه شي هالحلم ومن الصبح ارسلت ايميل ع احد مفسرين الاحلام




وحلفته بالله انه يفسره لها بخيره وشره للضروره




وبعد فتره ارسل لها المفسر وقال خلي اختج هي اللي تروي لي ع التلفون




كلمته حصه وروت له اللي شافته وسألها عن شاللي تسويه وقالت له كل شي عنها




قال لها فيه شي انتي تخفينه او تسوينه بالخفاء شنو هو ياحصه




قالت فيه شي ياشيخ انا اسويه في احد المنتديات وبصراحه كانت وحده من صديقاتي




دايما تنصحني منه بس انا احب هالشغله واحس اني ماهره فيها




قال الشيخ شنو هالشغله




قالت انا مشرفه ع قسم بأحد المواقع وهالقسم يختص بتلبية طلبات الاعضاء




الخاصه بالاغاني وكنت ابدع فيه احول لهم الصيغ واسوي لهم مقاطع ومكسات وسوالف وايد




قاطعها الشيخ وقالت استغفري وتوبي هذا كان تنبيه من الله لج




الكيكه كانت عملج الغير صالح والقطع اللي ارهقتج هي صدقاتج بالذنب المشترك مع من




قطعتي لهم هالمقاطع وشجعتيهم عليه واسعدتيهم في توفيره لهم وطول الطوابير وتجدد الكيكه




هو الذنب الجاري وكبره فـ شوفي كم شخص اعطيتيه طلبه وكم شخص سمعه معه وكم شخص




نقله من منتداك الى منتدياتهم وكل هذا بسببك انتي




تقول حصه انهرت وقلت شسوي ياشيخ قال توبي لله توبه نصوحه وتبرئي عن كل



مافعلتيه بهذه المنتديات




خصوصا مايخص الاغاني والمنكرات واسأل الله لي ولك الثبات



وتوبي ياحصه توبي لانك ماتدرين متى الله ياخذ امانته والله يحسن خاتمتنا جميعا



ولاتنسين يبعث المرء ع مامات عليه ياحصه



يبعث المرء ع مامات عليه ياحصه


اللهم صلي وسلم على رسول الله
___________




طبعا حصه الحين تابت لكن تعاني من حاله نفسيه سيئه وتعالج



وتأجل زواجها الى اشعار اخر ( وادعوا لها الشفاء مما هي فيه ) وادعوا لها بالثبات